77 سنة على افتتاح “جاير آندرسون”.. الحكاية التاريخية لواحد من أجمل متاحف القاهرة
بيوت القاهرة التاريخية جاير آندرسون متاحف القاهرة متاحف مصر متحف جاير آندرسونن بيت الكريتلية
Mohamed Talaat
الأيام دي، بيحتفل متحف جاير آندرسون الموجود في حي السيدة زينب، بذكرى مرور 77 سنة على افتتاحه، وبالمناسبة دي، بينظم المتحف حاليًا معرض للحرف التقليدية بيتعرض فيه 100 قطعة فنية من نتاج الورش الحرفية التي نظمها لمتحف خلال الشهور اللي فاتت.
و”جاير آندرسون” كان في الأصل منزلين بيرجع تاريخ إنشائهم للعصر العثماني خلال القرنين 16 و17 الميلادى، وتم ربطهم بكوبري في أوائل القرن 20، لكن المكان اتحول لمتحف يوم 17 يوليو 1943م.
تعالوا نتعرف أكتر على حكاية المتحف.
بيتكون المتحف من 29 قاعة منها القاعات الهندية، الصينية، والدمشقية، وكل قاعة بتحتوي على أثاث من نفس طراز اسم القاعة. كمان بيضم المتحف مجموعة قاعات خاصة منها الحرملك، الرجال الشتوية والصيفية، والاحتفالات، بالإضافة إلى مجموعة من القاعات المستحدثة زي قاعة أبواب الكريتلية وقاعة روائع الكريتلية.
المكان عبارة عن منزلين، المنزل الأول أنشأه المعلم عبد القادر الحداد، سنة (1041هـ/ 1631م)، أما المنزل الثاني فأنشأه الحاج محمد بن سالم بن جلمام الجزار سنة (947هـ/ 1540م).
بيعبر المنزلين دول على المنازل المصرية خلال العصور الإسلامية وبيجمع المنزلين عناصر العمارة في العصرين المملوكي والعثماني، واشتهر المكان باسم “بيت الكريتلية”، نسبة إلى آخر أسرة أقامت في المنزلين، ودي كانت أسرة وافدة من جزيرة كريت.
في سنة 1935م اتقدم الضابط الإنجليزي جاير آندرسون باشا بطلب إلى لجنة حفظ الآثار العربية بأنه يسكن في البيتين ويقوم بترميمهم وتأثيثهم ويعرض فيهم مجموعته الأثرية اللي بترجع لعصور وحضارات مختلفة منها مقتنيات فرعونية وإسلامية، إضافة إلى مقتنياته اللي بتنتمي لبلدان متنوعة زي الهند، الصين، تركيا، إيران، إنجلترا، ودمشق، وأعلن إن المكان بكل كنوزه من الأثاث والآثار هيكون ملك للشعب المصري بعد وفاته أو لما يسيب مصر نهائيًا، ويتم تحويل المنزلين لمتحف، وبالفعل وافقت لجنة حفظ الآثار العربية على الطلب ده وتم تحويل البيتين لمتحف باسم جاير آندرسون في 17 يوليو 1943م.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
