The Definitive Guide to Living in the Capital , Cairo , Egypt

الفن إبداع، وانك تكون مبدع شيء جميل، ولكن الأجمل انك تطور من نفسك وتشتغل على أن ابداعك يتحول لمنتج مميز وده اللي عمله عمرو معوض، 27 سنة، خريج كلية التجارة اللي حول شغفه وحبه للرسم لمشروع مميز، وهو الرسم على الحوائط الجامدة وتحويلها للوحات فنية، في السطور الجاية هنعرفكم أكثر على تجربة “عمرو” ومشروعه الفني Amr Moawad Art’s.

بدأ عمرو شغفه بالرسم على الورق زي أي حد، وبعدين اشتغل في مجال الدهانات، وبدأ يرسم على الحيطان بتشجيع الناس اللي اشتغل معاهم في الدهانات، وبدأ يطور من نفسه وكمان بقى ينحت أشكال كتير لديكورات عصرية تتناسب مع الأماكن اللي بيشتغل فيها، سواء كانت منزل أو محل.

عمرو اشتغل في جميع مجالات الرسم والنحت، لحد ما تخصص في أنه يكون له رسوماته المميزة سواء في شقة سكنية أو محل تجاري، وبيختار رسوماته بالاتفاق مع صاحب المكان بناءً على الديكور والنشاط.

عمرو معوض بيسعى دايمًا أنه يعمل كل جديد مهما كانت المساحة، سواء كانت نحت أو رسم، وبيتم تحديد السعر بناءً على معاينة للموقع على الطبيعة.

تقدروا تتعرفوا أكتر عن شغل Amr Moawad Art’s من خلال صفحة الفيسبوك من هنا.