بدلة عبد الحليم وعود عبد الوهاب ومنديل أم كلثوم.. تشوفهم فين في القاهرة؟
أم كلثوم أماكن للزيارة الزمن الجميل الفن المصري دار الأوبرا المصرية عبد الحليم حافظ قصر المانسترلي متاحف القاهرة محمد عبد الوهاب معهد الموسيقى العربية
Mohamed Talaat
مش كل الناس تعرف إن بعض أشهر المقتنيات الأصلية لنجوم الفن المصري ما زالت موجودة لحد النهارده ومفتوحة للجمهور داخل متاحف ومؤسسات ثقافية في القاهرة. من عود محمد عبد الوهاب الشهير، لبدلة عبد الحليم حافظ النادرة، وصولًا إلى منديل أم كلثوم اللي صاحبها في حفلاتها التاريخية، تقدر تزور الأماكن دي وتشوف عن قرب قطعًا صنعت جزءًا من تاريخ الفن المصري. في الدليل ده هنعرفك على أشهر مقتنيات نجوم الزمن الجميل وأماكن وجودها وأهم الحكايات المرتبطة بيها.
ما يفوتكمش كمان: 3 متاحف في القاهرة لعشاق الفن التشكيلي والموسيقى
عود عبد الوهاب
اشتهر الفنان محمد عبد الوهاب بامتلاك عودين أحدهما للحفلات والسهرات العامة، والثاني كان خاص به ولا يفارقه ويعتز به ويخاف ويحافظ عليه كأنه ابنه، والعود الثاني مصنوع من خشب الأبانوس ومطعم بخشب العود الذهبي ورقبة العود مطعمة بالعاج الأبيض بخلاف الزخارف النباتية على الوجه، وتم صناعة الحواف والقلب من “ظهر سلحفاة” وهو من صناعة حنفي الكيال أشهر من كان يصنع العود في عصره وأندرهم.
يتواجد عود الفنان محمد عبد الوهاب داخل متحفه بمعهد الموسيقى العربية بشارع رمسيس أمام دار القضاء العالي ويحتفظ به داخل صندوق زجاج في ركن شبيه بغرفة نوم موسيقار الأجيال وبجواره البيانو الخاص به والكرسي الخاص به.
بدلة عبد الحليم
من أهم مقتنيات الفنان عبد الحليم حافظ كانت بدلة تميزت برقيها وجمال صناعتها ودقتها، وللبدلة الشهيرة حكاية وهي أنه موجود منها قطعتين فقط في العالم، وده لأن المصمم الإيطالي “سمالتو” بناءً على طلب من الملك الراحل الحسن الثاني طلب تصميم قطعتين من البدلة بنفس الشكل والقماش والتفاصيل، واحدة له والثانية للعندليب الأسمر، وحصل الملك على توقيع المصمم على أنه مش هينفذ تصميم مشابه للبدلة في أي وقت، وبعد الانتهاء من البدلتين تم اهداء واحدة لعبد الحليم حافظ.
البدلة موجودة حاليًا في متحف “رواد ورموز” داخل دار الأوبرا المصرية بالزمالك بعد أن أهداها ابن شقيق عبد الحليم حافظ للمتحف للحفاظ على مقتنيات العندليب من التلف مع مجموعة كبيرة من مقتنياته الشخصية.
منديل أم كلثوم
الخوف هو كان السر في ظهور منديل أم كلثوم على المسرح! واللي أصبح من أشهر مقتنياتها، وهي قالت في لقاء إذاعي قبل كده أن خوفها سبب وجود المنديل لأن كل فنان لما يكبر بيزداد خوفه من الجمهور احترامًا له، والخوف ده كان بيخلي ايديها تعرق كتير بداية من فتح الستارة، علشان كده دايمًا كانت بتمسك المنديل واللي قالت أنه كان بيخفف التوتر والبرودة.
ومن ضمن عشرات المقتنيات منديل كوكب الشرق موجود في متحف أم كلثوم داخل قصر المانسترلي بالمنيل.
مقترح
الحياة في كايرو
شقق سكن لكل المصريين 9.. موعد التقديم والشروط المتوقعة ونظام التقسيط لحد 30 سنة
الإسكان الاجتماعي التمويل العقاري +8
معالم وسياحة
