The Definitive Guide to Living in the Capital , Cairo , Egypt

كافيهات

اختيارات كايرو 360: أجمد أماكن الحلويات والمخبوزات لعام 2018

أفضل أماكن الحلويات أفضل أماكن المخبوزات اختيارات كايرو 360 الأفضل في 2018 جوائز اختيارات محرري كايرو 360 محلات القاهرة
اختيارات كايرو 360: أجمد أماكن الحلويات والمخبوزات لعام 2018
بواسطة
Cairo 360

الحلويات هي الحاجة الي بتهون علينا تعب وتوتر الحياة، وكل ما كانت حلوة وشهية وتعدل مزاجك بجمالها كل ما إدمانك وحبك ليها بيزيد. علشان كده كان لازم نختار لكم الأفضل من بين كل أماكن الحلويات والمخبوزات في القاهرة.

الفائزين في فئة أفضل أماكن الحلويات والمخبوزات في جوائز اختيارت محرري كايرو 360 لعام 2018:

 

 

ذا فات فور لايدز – The Fat  Four Ladies

 

فكرة إن محل يكون المسئولين عنه 4 ستات كانت فكرة متهورة شوية بس كانت فكرة عبقرية لأنها وصلت لنا أحلى حلويات طازة ومميزة ممكن نستمتع بيها، سواء الكوكيز أو البراونيز أو كيكة الليمون اللي مش بنقدر نقاومها، ذا فات فور لايدز كمل نجاحه وفتح فرع في المعادي كمان غير الزمالك.

 

 

كوبنهاجن – Copenhagen

من الأماكن اللي بتقدم حلويات ممتازة ده غير طبعًا الساندوتشات، بس بما إننا بنتكلم على الحلويات فلازم نقول أنه بيعمل تشوكليت فادج حكاية مع إضافة البسكوتة المقرمشة ده غير المخبوزات اللي سحرتنا زي الكرواسون باللوز.

 

 

كوبرملت  – Coppermelt

فيه ناس بتاكل بعينيها قبل معدتها وهنا لازم نقول لهم إن ده مكانهم المفضل، كوبرملت مش بيهزر في الحلويات اللي بيعملها والطعم المغري اللي ما يتقاومش.

 

 

تروفا – Troufa

مجرد فكرة إنهم بيخلطوا العيش بالحلويات خليتنا متشوقين ندوق أصنافهم، لكن تميزهم في تقديم الحلويات والشوكولاتة بالذات، وقعنا في حب المكان من أول طبق. مكان مبتكر يستحق إننا نجرب كل أصنافه ونستمتع بيها.

 

 

نولا – Nola

نولا من أشهر محلات بيع الحلويات خاصة الكاب كيك في القاهرة، وفي كل مناسبة بتتزين بشكل جديد علشان تقدم للزبائن أفضل منتج بأفضل شكل وسعر وطعم. وده سبب انتشار أكثر من فرع ليها في كل أنحاء القاهرة.

 

 

بول – Paul

لما تحب تدلع نفسك يبقى لازم توديها بول، المخبوزات تجنن والحلويات لا تقاوم، برغم إن أغلب المكونات بيستوردها من الخارج إلا إن السر في طريقة طبخ وعمل كل حاجة زي ما الكتاب بيقول.

 

 

تي بي إس – TBS

من الأماكن اللي لسه محافظة على مستواها والتنوع في الاختيارات اللي بتوفرهولنا سواء كنا عاوزين نحافظ على صحتنا وناكل عيش بني، أو ندمر الدنيا مع براونيز أو كوكيز لذيذة.

 

رالفز جيرمن بيكري – Ralph’s German Bakery

برغم إن المكان مش بيقدم حلويات بس لكن لازم نعترف إن الحلويات عنده وهمية، مش طبيعية في جمالها، تجربة مش ممكن ننساها بعد ما الفرع فتح في القاهرة بعد تجربته الناجحة في دهب. كل حاجة عنده حلوة وماتتسابش.

مقترح