The Definitive Guide to Living in the Capital , Cairo , Egypt

علشان خروجة الصيف تبقى أحلى لازم يكون فيها حاجة مميزة، وما فيش أحلى من أكلة آيس كريم، والقاهرة فيها أماكن عندها بالفعل أجمل آيس كريم، وعلشان كده خلال السطور الجاية هنقول لكم على 5 أماكن تاكلوا من عندهم آيس كريم مايتنسيش.. علشان الصيف يبقى جامد.

 

Penguin Ice Cream

الآيس كريم عندهم مميز وحلو ورغم أنه موجود في زهراء المعادي إلا أن جمهوره بيكون من كل حتة في القاهرة، وعندهم افتكاسات كتير في الآيس كريم سواء الرول أو العادي.

تقدروا تعرفوا أكتر عنهم من خلال صفحة الفيسبوك من هنا.

Sultana Ice Cream

رغم أن بداية شهرته كانت في الإسكندرية، إلا أنه بقى له مكانة مميزة في مصر كلها، وله أكتر من فرع في القاهرة، وده علشان جودة الآيس كريم والتورت بتاعته والسعر المناسب.

تقدروا تعرفوا أكتر عنهم من خلال صفحة الفيسبوك من هنا.

 

Aboullaban

أصله سوري وتم افتتاح أول فرع له سنة 1892، والآيس كريم بتاعه تحفة رغم أن سعره عالي شوية، ولكن الجودة بتاعته هتنسيكم السعر.

تقدروا تعرفوا أكتر عنه من خلال صفحة الفيسبوك من هنا.

Koueider

إحنا ممكن نسميه بابا الآيس كريم في القاهرة، علشان بيعمل آيس كريم تحفة وخدمتهم ممتازة، والأكيد أنكم مش هتخرجوا من عندهم إلا وأنتم مبسوطين.

تقدروا تعرفوا أكتر عنهم من خلال صفحة الفيسبوك من هنا.

 

Cold Stone

أوعى وشك في الآيس كريم، علشان بدل الواحدة هتاكلوا اتنين، وأكيد مش هتندموا لما يكون من ضمن خطة العيد عندكم تاكلوا الآيس كريم من عندهم.

تقدروا تعرفوا أكتر عنهم من خلال صفحة الفيسبوك من هنا.