في يومه العالمي.. 5 أماكن في القاهرة تشرب فيهم كوباية شاي على كيفك!
أماكن في المعادي الفيشاوي اليوم العالمي للشاي براد شاي تجربة شاي مصرية خروجات هادية شاي شاي بالزعفران شاي بالنعناع شاي كرك كافيهات الزمالك كافيهات في القاهرة كوباية شاي مقاهي تراثية وسط البلد
Mohamed Talaat
الصورة الرئيسية: Manki Kim
يوم 21 مايو من كل سنة، العالم بيحتفل باليوم العالمي للشاي، واللي بقى احتفال رسمي بالأمم المتحدة من سنة 2019. اليوم ده هدفه دعم استدامة زراعة الشاي، ومساندة المجتمعات اللي بتزرعه، وكمان تقدير أثره الثقافي حوالين العالم.
وفي مصر، الشاي هو المشروب الأول في قلوب الناس. بيحبوه بطريقة عظيمة، وبيشربوه بعد الأكل، قبل الشغل، وسط الإرهاق، من غير وقت معين ولا عدد محدد، ولا حتى مكان!
وعلشان كده، حبينا في اليوم العالمي للشاي نرشّح لكم 5 أماكن في القاهرة ممكن تشربوا فيهم كوباية شاي ممتعة.
الفيشاوي
المكان الأشهر في حي الحسين، وتأسس سنة 1797. معروف ببراد الشاي السادة أو بالنعناع أو القرنفل، وسط قعدة مميزة بين المباني الأندلسية القديمة.
العنوان: حارة خان الخليلي – بجوار مسجد الحسين.
A/N
كافيه سعودي في الزمالك، بيقدّم تجربة فريدة بديكور مختلف. الشاي بالهيل عندهم لازم يتجرّب، وكمان ممكن تتعطر ببلاش بأفخم العطور اللي بيقدموها كهدية للعملاء.
العنوان: 49 شارع محمد مظهر – الزمالك.
Karak boy
لو بتحب شاي الكرك، ده مكانك. أصحابه سافروا الهند مخصوص علشان يتعلموا يعملوه على أصوله، وجابوا أجود الأنواع من هناك. جرّب الشاي بالزعفران، وهتشكرنا!
العنوان: 18 شارع 218 – سرايات المعادي.
براد شاي
بيقدّموا شاي استكانة مع نعناع في قعدة فخمة وخدمة ممتازة. تجربة هتظبط مزاجك وتخليك ترجع تاني.
العنوان: 30 شارع عبد المنعم رياض – المهندسين.
داون تاون
رووف في وسط البلد، بيطل على ميدان التحرير والقاهرة الخديوية. قعدة رايقة بعيد عن الدوشة، ومعاها كوباية شاي هادية تكمل الجو.
العنوان: 8 شارع شامبليون – قدام بنك QNB – وسط البلد.
مقترح
الحياة في كايرو
دليلك لحجز شقة في مبادرة "سكن لكل المصريين 7": الشروط والأسعار وخطوات التقديم
الإسكان المتوسط التقديم على شقق الإسكان +8
فن وثقافة
