The Definitive Guide to Living in the Capital , Cairo , Egypt

سعر الوافل بـ 15 جنيه، أى صوص بـ 3 جنيه وفيه حوالى 6 اختيارات من نوتيلا إلى شوكولاتة بالحليب للشوكولاتة البيضاء وغيرها، وبـ 3 جنيه برضه ممكن تضيف مكسرات أو سبرنكلز أو شوكولاتة زي مارس وفريرو روشيه بـ يقطعها لك شرائح أو قطع صغيرة فوق الصوص اللى بـ تختاره.
أول ما بـ تطلب بـ يسألك الولد عاوز الوافل مقرمشة Crispy ولا طرية، الخدمة سريعة والولد لطيف، بـ يتحط الصوص الأول وبعدها فوقه المكونات اللى أنت حاببها، اختارنا أنها تكون طرية وطلبنا ثلاثة بصوصات ومكونات مختلفة وكلها كانت تحفة مع صوص الشوكولاتة بالحليب وواحدة ثانية بالنوتيلا، بعضها عليه بندق، وفريرو روشيه، وسبرنكلز، الجودة مافيش كلام عليها وكانت سخنة وفريش. بـ تقدم فى طبق من الفوم الأبيض وعلى الجنب هـ تلاقى شوك وسكاكين بلاستيك ومناديل للسيطرة على الموقف.
وأنت ماشي فى مول العرب لازم تعدي على “نانتيز”، زيارتنا المرة دى كانت مستهدفة الوافل لكن مافيش مانع نروح ثانى عندهم علشان نجرب الكريب، لو كنت من الناس اللى بـ تعمل دايت خطر أنك تعدي حوله.. وإلا على الدايت السلامة.