The Definitive Guide to Living in the Capital , Cairo , Egypt

مين فينا مابيحبش الـ Cheesecake وطعامته وجماله وحلاوته، ويا سلام بقى لما يكون متخدم عليه صح ومعمول بحب وطعمه ومذاقه عاليين، وعلشان إحنا في #كايرو_360 من عشاق الـ Cheesecake، قررنا ندور على أحلى 5 أماكن في القاهرة بتقدم المنتج المميز ده، تعالوا نعرف رحلتنا وصلتنا لفين.

cheese country

بيعملوا برطمان تشيز كيك مالهوش حل، وده اختيارنا الأول دايمًا، وعندهم أطعمة مختلفة والبرطمان بتاعهم بيكون على طبقات ومتغرق في صوص الطعم اللي بتطلبوه، وسعره 35 جنيه، ولهم فرعين واحد في المعادي والتاني في مصر الجديدة، غير الفرع الرئيسي في المهندسين.

العنوان: شارع ٩ المعادي بجوار أبو عوف، أمام كاراكاس.

التليفون: 01151100216

المهندسين: 46 شارع سوريا، بجوار بوري للأجهزة المنزلية.

التليفون: 01125800094

أرض الجولف: شارع شمس الدين الذهبي، أمام رضوان مارديني.

التليفون: 01125949894

صفحة الفيسبوك من هنا.

Etoile – إيتوال

من أجمل أماكن الحلويات في مصر، ومعروف بجودته المميزة وبيعملوا تشيز كيك بأنواع مختلفة وطعمه عالمي، وسعر الواحدة 25 جنيه، وفروعهم كتير في مصر.

ولمعرفة أقرب فرع لكم اضغطوا هنا.

التليفون: 16312

صفحة الفيسبوك من هنا.

كوستا كافيه

من الأماكن اللي معروف عنها جودة الحلويات والخدمة، وبيقدموا تشيز كيك سعره حوالي 47 جنيه شامل الخدمة والضريبة، وطبعًا له عدة فروع مختلفة في القاهرة بخلاف فرع مصر الجديدة.

العنوان: 16 شارع الميرغني، أمام نادي هليوبوليس – مصر الجديدة.

رقم التليفون: 16460

صفحة الفيسبوك من هنا.

OLDISH – أولديش

قعدة المكان ده كفاية، حتى لو مش هتاكلوا أو تشربوا حاجة، بديكوراته المبهرة والقعدة الجميلة في الأوبن إيريا، وجمال الموسيقى بتاعته، فتخيلوا وسط جمال الديكور المميز ده، تلاقوا أحلى تشيز كيك سعره 33 جنيه، وطعمه مختلف وهيعجبكم، حقيقي كفاية علينا كده.

العنوان: شارع محمد محمود بجوار راديو شاك – وسط البلد.

رقم التليفون: 01060119488

فرع2 – ٦١ شارع أبو بكر الصديق – مصر الجديدة.

رقم التليفون: 01020132666

صفحة الفيسبوك من هنا.

 

Simonds – سيموندس

بيعمل حلويات نقدر نقول عليها إنها من أجمل الحلويات في القاهرة الكبرى وباقي أنحاء الجمهورية، وعندهم تورتة التشيز كيك  بسعر 275 جنيه، وتشيز كيك للأفراد بسعر 27 جنيه، وعندهم 3 مذاقات مختلفة كراميل، وراسبري، وبلوبيري.

لمعرفة العنوان الأقرب لكم اضغطوا هنا.

رقم التليفون: 16264

صفحة الفيسبوك من هنا.