Mohamed Talaat
في رمضان زي ما الفطار له حساب، الحلو كمان له حساب. القاعدة ماتحلاش من غير القطايف والكنافة والبسبوسة والذي منه.
وبالمناسبة دي قررنا نجيب لكم أهم 5 محلات حلو السنة دي، علشان تختاروا اللي بتحبوه من حلويات رمضان:
لابوار
السنة دي عامل تورتة كنافة ويفر بالمانجو، وسعرها 320 جنيه. اتصل بيهم قبل ما تروح علشان تحجز من أقرب فرع لك.
رقم التوصيل: 19515
صفحة فيسبوك
تسيباس
رمضان مع تسيباس أحلى، لأنه عمل الشرقي جاتوه. هتلقى بلح الشام والبسبوسة والكنافة وعيش سرايا وجلاش وغيرهم، بس جاتوه. تقدر تعرف الأسعار والفروع من خلال التواصل معهم.
رقم التليفون: 19918
صفحة فيسبوك
سيموندس
عمل منتجات كتيرة جدًا منها: تورتة كنافة بأطعمة مختلفة – بولة وكب كنافة – قطايف مكسرات. وماتنسوش أن أحلى كريمة في مصر هتلقاها عندهم.
رقم التليفون: 16264
صفحة فيسبوك
قويدر
لما بتفكر في الحلو الشرقي، يبقى مفيش أطعم وأحلى من عبد الرحيم قويدر، بحلوياته الشرقية المميزة. هتلقى عنده القطايف المقرمشة، والكنافة بالمانجو، وكل أنواع الحلويات الشرقية. ومتنساش تطلب ملبن بالقشطة.
رقم التليفون: 01206665599
صفحة فيسبوك
Sale Sucre
تخيل بقى إن أحلى حاجة عنده السنة دي هي الرز باللبن. وإحنا مش هنلخبطك ونقولك على كزا حاجة، لأ.. هو الأرز باللبن بس. سعر الطاجن الكبير 180 جنيه.
رقم التليفون: 19632
صفحة فيسبوك
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
