The Definitive Guide to Living in the Capital , Cairo , Egypt

لو بتدور على كافيه جديد في وسط البلد يجمع بين الأجواء الكلاسيكية واللمسة العصرية، فـ “أوجيني” (Eugeni) بيقدم تجربة مختلفة لعشاق القهوة والحلويات. من ديكور مستوحى من السينما المصرية القديمة لمنتجات حلوة بتنافس أقوى الأماكن، الكافيه ده بسرعة بيحجز لنفسه مكان وسط أفضل كافيهات القاهرة في 2026.

المكان مش مجرد كافيه، لكن هو قصة صبغها فريق عمل شغوف، اختار كل تفصيلة فيه بعناية، من أفيشات الأفلام الكلاسيكية زي “الحريف” و”آيس كريم في جليم”، وصولاً إلى أطباق “زمان” المنقوشة اللي اتعودنا نلقاها في بيوت أهالينا.

الأجواء والخدمة:

أوجيني عبارة عن راحة تليق بالملوك وبيتميز بتنوع جلساته؛ مابين الجلسة الخارجية الهادئة وسط الزهور، والديكور الداخلي الواسع والمريح، مع فريق عمل ودود واحترافي، والخدمة وحدها سبب كافي للزيارة.

الاستخدام:

المكان مثالي للعمل، المذاكرة، أو تجمع هادئ مع الأصدقاء.

مراجعة “المنيو”:

تقييمنا للمشروبات والحلو كان للمنتجات بدقة، وهنا ننقل لكم انطباعنا بكل صراحة وموضوعية.

أولاً: ركن القهوة

جرنا من عندهم آيس لاتيه وكابتشينو وسعر المنتج الواحد (95 جنيه): القهوة تمتاز بطعم “اسبريسو” واضح مع مرارة محببة، ورأينا الفني أن المشروبات جيدة جداً، لكننا بنطمع في مستوى “Premium”  أكثر في جودة حبوب الاسبريسو علشان ترضي عشاق الاسبريسو المتخصصين.

القهوة التركي سعرها (45 جنيه)، وجودتها عالية ومضبوطة.ومقترحنا أن المكان يستحق “توليفة بن” خاصة وحصرية بإسم “أوجيني”، علشان تكتمل لوحة التميز مع الديكور والخدمة.

ثانياً: ركن الحلويات:

الحلويات هي قوتهم الحقيقية لأن فيه توازن المثالي في النكهات: وجربنا الكوكيز بـ(50 جنيه): تجربة مدهشة  “بتدوب” حرفياً في الفم لكنها متماسكة خارجياً، وده هيسهل عليكم الأكل بالشوكة والسكينة.

كمان جربنا جيناتش وسعره (135 جنيه) وهو عبارة عن مزيج عبقري من الكيك والمكسرات مع الشوكولاتة الداكنة ، توليفة “تخطف العقل” لعشاق المذاق القوي.

وأخيرا شكلوت لوشيه بـ(135 جنيه) وهنقول أنه سيمفونية من سيرم البندق والشوكولاتة الكريسبي مع المكسرات، صعب أن تلقى اتقان في التوازن بين القرمشة الخارجية والنعومة الداخلية للحشو في مكان تاني.

احنا بنشجعكم على زيارته والاستمتاع بكل تفصيلة فنية فيه، والأكيد هتنبهروا بمستوى الخدمة والجودة.

تقدروا تعرفوا أكتر عنهم من خلال اسنتجرام من هنا.