Cairo 360
في العصر ده فيه ناس كتير بتفضل الكتب الصوتية عن الكتب المطبوعة التقليدية، يمكن علشان سهولة الاستماع للكتب وأنت سايق عربيتك مثلاً، أو وأنت في وسائل المواصلات المختلفة.
علشان كده جمعنا لكم أحسن وأهم التطبيقات الإلكترونية لسماع الكتب والروايات الصوتية على أجهزة التليفونات اللي بتشتغل بنظام “آندرويد” أو “آي أوه إس”.
تطيبق “Audible”
من التطبيقات الرائدة في مجال الكتب الصوتية، بيضم أكثر من 400 ألف كتاب منوع، وبيحتل المركز الأول لفئة الكتب في متجر آب ستور، بتقييم 4.4 من 5، لمميزاته الكتيرة وجودته الصوتية.
التطبيق متاح مجانًا لكل مستخدمي أجهزة “آندرويد” و”آي أوه إس”. وتقدر تشتري الكتب الصوتية عن طريق الاشتراك اللي بيتكلف 14.95 دولار شهريًا، والحصول على خصم 30% من سعر الكتاب.
تطبيق “Audio books”
بيقدم التطبيق لمستخدمي “آندرويد” و”آيفون”، من خلال متجر آيتيونز أكتر من 100 ألف كتاب صوتي، وبيتيح تحميل أكثر من 800 كتاب مجانًا.
يقدر القارئ من خلال التطبيق ده، ضبط سرعة السرد وإنشاء ملاحظات والتصفح في قائمة الكتب عبر استخدام ميزة “التوصيات الذكية”، لاختيار الكتب بناءً على سجل قراءتك.
كمان بيتضمن أوبشن “ضبط مؤقت للنوم” للقراءة قبل النوم، بالإضافة إلى الدردشة مع خدمة العملاء من التطبيق مباشرةً.
تطبيق “ضاد“
من أوائل المنصات العربية اللي اشتغل على تحويل الكتب الورقية لكتب مسموعة.
وبييتحوي التطبيق على أسعار مناسبة للكتب اللي بيصل عددها لأكتر من 100 ألف كتاب، لجميع الفئات العمرية، وبيهدف لتشجيع القراءة في الوطن العربي وبيتيح الفرصة للمكفوفين إنهم يستمتعوا بأجمل الكتب.
للأسف التطبيق متوفر حاليًا لمستخدمي أجهزة “آبل” بس.
تطبيق “story tel”
مكتبة إلكترونية، بتحتوي على الكتب والمقالات والنشرات الإخبارية المتنوعة المسموعة.
بيضم 650 كتاب باللغة العربية و14 ألف كتاب باللغة الإنجليزية، وبيشتغل التطبيق في 15 لغة حول العالم وممكن تجربه مجانًا لفترة محدودة من الزمن، بعد كده بيكون لازم تشترك بمبلغ 9.99 دولار.
مصدر الموضوع من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
