The Definitive Guide to Living in the Capital , Cairo , Egypt

عشاق الكتب بيدورا دايمًا على مكتبات مميزة في القاهرة، علشان يقدروا يشتروا منها كتبهم المفضلة وكل الأدوات المكتبية اللي محتاجينها، علشان كده قررنا نختار لكم في كايرو 360 أفضل المكتبات في القاهرة لعام 2018.

مكتبة ديوان – Diwan Bookstore:

بظهورها قدرت أنها تسهّل حياة أي شخص “دودة كتاب” في القاهرة؛ لأنها عندها كم رهيب من الكتب المتنوعة في كل المجالات.

الكتب خان – Al Kotob Khan:

من أول الكلاسيكيات حتى الكتب المعاصرة والأدوات المكتبية كمان، الكتب خان قدر في وقت قياسي أنه يكون من أهم الأماكن المتخصصة في بيع الكتب في القاهرة.

لينرت & لاندروك – Lehnert & Landrock:

المكتبة نفسها كتاب في حد ذاتها، لينرت & لاندروك تعتبر قصة حياة أصحابها اللي تنقلوا بين بلاد كثيرة والمتجسدة في مجموعة الصور الفوتوغرافية المعروضة في المكتبة، ده غير مجموعة الكتب المختلفة اللي المكتبة بتعرضها.

مكتبة الشروق – Shorouk Bookstore:

المكتبة التابعة لأشهر دار نشر في القاهرة -دار الشروق- بتمتاز أنها منتشرة في كل مناطق القاهرة، زائد أنها على طول فيها أحدث الإصدارات العربية والعالمية لكبار الكتاب.

بكير – Bakier:

كل الأدوات المدرسية والشنط، وأي حاجة هيحتاجها مكتبك أو مدرستك، هتلاقيها في فروع مكتبة بكير. الموجود في اكتوبر والمعادي وهليوبوليس.

مبروك لكل الفائزين