The Definitive Guide to Living in the Capital , Cairo , Egypt

حياتنا عبارة عن مجموعة قرارات مترتبة على بعض، وقرار واحد فيهم غلط بيأثر على حياتنا كلها، علشان كده إننا ناخد قرار في حاجة في حياتنا، ده في حد ذاته محتاج “قرار”.

وعلشان القرارات مهمة في كل شبر في حياتنا، فـ “التردد” هتلاقوه دايمًا مصاحبنا قبل أو بعد أو أثناء أي قرار هناخده، وده الطبيعي، علشان كده “قرر” الدكتور “محمد أحمد شعير” العضو المنتدب لشركة النصر للتصدير والاستيراد إنه يصدر كتاب بعنوان “اصنع قرارك ولا تتردد”.

“أن تصنع قرارك حتى وإن كان خطأ أفضل كثيرًا من أن تقع في شَرَك التردد.. من لا يملك قراره لا يملك نفسه” دي كانت بداية الكتاب اللي فيه 8 فصول بتتناول مفهوم إدارة القرار وازاي بتحصل صناعة واتخاذ القرار ومراحله والعوامل المؤثرة فيه، وبعدين متابعة تنفيذه وتقييمه، وبيسلط الضوء كمان على أهمية توافر أي معلومات قبل البدأ في عملية اتخاذ القرار، على اعتبار إن المعلومات تعتبر معطيات مهمة علشان نوصل للقرار الصح.

كتاب “اصنع قرارك ولا تتردد” هو أحدث كتب الدكتور محمد أحمد شعير، ويعتبر الثالث في ابداعاته اللي كانت عبارة عن كتابين هما “عملية صناعة القرار بين الإعداد والنتائج” و”رؤية القائد.. كيف تعمل؟”.