The Definitive Guide to Living in the Capital , Cairo , Egypt

لو كنتم من عشاق نجمة هوليوود “أنجلينا جولي” فأكيد أنتم منتظرين فيلم جديد لنجمتكم المفضلة في السينمات، لكن الحقيقة إن جديد “جولي” هو كتاب حديث بيتكلم عن حقوق الأطفال في العالم، كتبته بالتعاون مع منظمة العفو الدولية.

في الموضوع ده هنعرفكم على 3 معلومات فيهم الخلاصة عن الكتاب المهم ده، اللي بيثبت إن الفنانة دي مهمومة بجد بقضايا أطفال العالم.

1 – الكتاب بعنوان “اعرف حقوقك وطالب بيها”، وتمت كتابته بالاشتراك مع محامية حقوق الإنسان “جيرالدين فان بورين” وهي واحدة من المحررين الأصليين لاتفاقية الأمم المتحدة لحقوق الطفل لعام 1989، وهدف الكتاب تزويد الأطفال بالمعرفة اللازمة للمطالبة بحقوقهم.

2 – “جولي” صرحت إنها بتأمل في أن الكتاب يفكر كل الحكومات في العالم بالتزامها بالمعاهدات العالمية اللي بتنص على الحقوق المدنية والاجتماعية والسياسية والاقتصادية للأطفال.

3 – بيتناول الكتاب حقوق الهوية والعدالة والتعليم والحماية من الأذى، وأمور تانية مهمة للأطفال، وبيوفر كمان إرشادات عن إزاي تبقى ناشط في مجال حقوق الأطفال.

إحنا في كايرو 360 بنتمنى نشوف الكتاب ده مترجم للعربية ومتاح في مكتبات القاهرة!