كتب
“الكورة مش بس أجوال”.. كتاب جديد قريبًا في مكتبات القاهرة
الكورة مش بس أجوال كتاب جديد كتب كروية مكتبات القاهرة هشام أبوحديد
بواسطة
Omar Abd-elmaqsoud
“الكورة مش بس أجوان”.. جملة دايمًا بنقولها للفرقة اللي لعبت كويس في ماتش بس الحظ مكانش معاها فخسرت، أو بنقولها للعبة حلوة، أو ترقيصة جامدة علشان نقول إن الكورة فن ومهارات كمان جمب الأجوان أو الاهداف.. والنهارده الناقد الرياضي وعضو المكتب التنفيذي لرابطة النقاد الرياضيين “هشام أبوحديد” قرر إن “الكورة مش بس أجوان” يبقى عنوان كتابه الجديد.
الكتاب صدر حديثًا عن دار “ماستر” للنشر والتوزيع، و هيتعمل حفلة التوقيع للكتاب خلال معرض القاهرة الدولي للكتاب في 22 يناير الجاي، وهيكون بحضور مجموعة من النقاد الرياضيين ونجوم الكورة.
الكتاب بيضم مجموعة من الحوارات اللي أجراها الكاتب مع العديد من الشخصيات الرياضية، واللي اتسبب نشرها وقتها في خلق حالة من الجدل داخل الوسط الرياضي وجماهير الكرة، خصوصًا وأن الحوارات دي تطرقت إلى ما أبعد من الكرة مع كل شخصية، يعني حوارات إنسانية بامتياز.
كمان الكاتب بيحكي من خلال صفحات الكتاب كواليس كل حوار و ردود الأفعال اللي خلقها بعد النشر.
من الحوارات اللي بيضمها الكتاب، حوار مع الراحل “عادل هيكل”، و”جمال عبد الحميد”، و”محمد صلاح”، و”خالد بيبو”، و”أحمد فتحي”، و”عبد الستار صبري”، و”طارق يحيي”، و”أحمد حسن”، و”زكى عبد الفتاح”، وغيرهم كتير.
مقترح
الحياة في كايرو
موضوع مميز
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
موضوع مميز
