The Definitive Guide to Living in the Capital , Cairo , Egypt

صدر مؤخرًا، كتاب بعنوان “تاريخ الفيوم” عن مؤسسة هنداوي للدراسات والنشر، وهو من تأليف المؤرخ المصري الراحل “إبراهيم رمزي”.

 ناس كتير طبعًا بعد ما سمعت اسم الكتاب “تاريخ الفيوم” هتسأل وتقول، إشمعنى الفيوم؟.. السؤال ده جاوب عليه الدكتور “أحمد عزيز” وهو كمان باحث في جامعة الفيوم، وقال على الكتاب إن الفيوم أطلق عليها ألقاب كتير، كان من أشهرها وأوسعها انتشارًا هو لقب  “مصر الصغرى”، وده بسبب التنوع الكبير في البيئة الاجتماعية والثقافية والتراثية والتاريخية في الفيوم.

أما المؤرخ “إبراهيم رمزي” مؤلف الكتاب، فتناول في الكتاب ده تاريخ الفيوم من نشأتها ولحد أواخر القرن الـ 19، وقسَّم كتابه خمس أقسام، القسم الأول فيه بياخدك ما بين ذكر لسبب تسمية الفيوم بالإسم ده، وما بين ظروف النشأة والتطور، ولحد بداية عهد محمد علي باشا الكبير.

أما القسم الثاني من الكتاب، فبيتناول الأحداث اللي حصلت في الفيوم خلال فترة حكم الأسرة العلويَّة، أما القسم الثالث فبيتكلم عن مشاهير الفيوم وشخصيات الفيوم الرائدة من علماء وأدباء وفنانيين.

القسم الرابع موجه لمحبي وهواة الجغرافيا، وده لإنه بيتناول جغرافيا وموقع الفيوم ومدنها وقراها، ومعالمها المميزة سواء المعالم الطبيعية، أو العمرانية، أو الصناعية، وكمان سكانها وزراعاتهم وتجاراتهم.

كمان هتتعرف في القسم الرابع على ديوان مديريات الفيوم، باعتبارها واحده من مديرات القطر المصري في الوجه القبلي (الصعيد).   أما في القسم الخامس والأخير من الكتاب، فخصصه الكاتب لموظفين وأعيان الفيوم، وهم 24 شخصية بصورهم.

لو حابب تقرأ الكتاب، ممكن تحمل نسختك المجانية بصيغة PDF من هنا.