The Definitive Guide to Living in the Capital , Cairo , Egypt

الصورة الرئيسية: ALEJANDRO GARCÍA

في المكتبات المصرية كتب كتير عن تاريخ القاهرة، أغلبها كتب صدرت من سنين طويلة. لكن علشان الإبداع في مصر لا يتوقف، ظهرت كتب حديثة -حتى لو عددها قليل- بتتكلم عن ماضي وحاضر القاهرة بطريقة علمية وأدبية شيقة.

تعالوا نتعرف على مجموعة كتب عن القاهرة يستحقوا القراءة فعلًا.

 

شوارع القاهرة

كتاب مميز للدكتور جمال الدين حجازي، بيوثق لشوارع القاهرة خصوصًا اللي بترجع للفترات (الفاطمية – الأيويبة – المملوكية – العثمانية). الكتاب أسلوبه شيق وفيه معلومات قيمة جدًا.

 

القاهرة وشوارعها

الكتاب لنفس المؤلف، الدكتور جمال الدين حجازي، وهو الجزء الأول من الكتاب اللي فات، لكن يصلح للقراءة بشكل منفصل، الكتاب بيتناول منشآت القاهرة وتاريخها وتطورها على مر العصور. كتاب عظيم.

القاهرة بين التاريخ والأساطير

كتاب مدهش، بيتناول مشاهد من حياة المدينة في العصور الوسطى. الكتاب مليان حكايات مثيرة، وهو من تأليف الدكتور عمرو عبد العزيز والدكتور أشرف صالح.

 

حكايات من قاهرة أسرة محمد علي

ده كمان كتاب يستحق القراءة، من تأليف الدكتور عمر محمد الشريف، بيحكي حكايات عن القاهرة في فترة أسرة محمد علي، أسلوبه مميز ومعلوماته قيمة جدًا.

 

مقتنيات وسط البلد

كتاب مميز من تأليف الروائي الكبير مكاوي سعيد، بيحكي بأسلوب أدبي عن شوارع وسط القاهرة وأهم شخصياتها وأهم الأماكن اللي أصبحت علامات فيها زي جروبي، وريش، والنادي اليوناني، وأسترا، وعلي بابا، وقهوة الحرية، وستلا، وإستوريل.. وأكتر. بيميز الكتاب وجود لوحات جميلة للفنان عمرو الكفراوي.