دليلك للبهجة.. 3 كتب علمية عن السعادة في مكتبات القاهرة
السعادة شراء كتب علم نفس كتب كتب عن السعادة مكتبات القاهرة وسائل السعادة
Cairo 360
مافيش حد يقول للسعادة لأ! وفي ظروف اقتصادية وسياسية صعبة بيعيشها عالمنا في السنوات الأخيرة، ووسط أخبار لا تتوقف عن الحروب والكوارث والأزمات، ممكن يكون الحل في البحث عن كتب بتتكلم عن السعادة بطريقة علمية، بعيدًا عن مبالغات كتب التنمية البشرية اللي بعضها لا يعتمد على أي أسس علمية.
تعالوا نتعرف على 3 كتب عن السعادة، مكتوبة بطريقة علمية، وتقدروا تشتروها بكل سهولة من مكتبات القاهرة.
1 – السعادة الحقيقية و السعادة المزيفة
الكتاب للباحثة الأمريكية سولينيا وبوميرسكي اللي قررت تكرس حياتها لفهم السعادة عند الإنسان، و حصلت على الدكتوراه في علم النفس من جامعة ستانفورد. في كتابها “السعادة الحقيقية و السعادة المزيفة” بتحاول “سولينيا” تحطيم كل المفاهيم الخاطئة عن السعادة، وبتقدم لك الأدوات اللي هتقدر تصنع بها مفهومك الخاص عن السعادة والمفهوم المناسب لحالتك وظروفك وعلاقاتك وأحلامك وطموحاتك.
2 – ما تحتاجه لتكون سعيدًا
كتاب ثاني لنفس الباحثة السابقة، بتحاول من خلاله تعرفك إزاي تختبر قدرتك على تغيير نمط حياتك، وعدم ربط السعادة بالظروف المادية أو الحالة العاطفية.
ميزة الكتاب ده إنه موثق بقائمة ضخمة من المراجع والأبحاث النفسية من أهم جامعات العالم، و مرفق داخل الكتاب مصدر كل معلومة.
3 – المخ السعيد – العلم الخاص بمصادر السعادة وأسبابها
نفسك تكون سعيد؟ في كتاب “المخ السعيد – العلم الخاص بمصادر السعادة وأسبابها” بيشرح لنا عالم الأعصاب “دين برينت” خبايا عقولنا، وبيحاول يساعدنا على اكتشاف إجابات لبعض الأسئلة الجوهرية في موضوع السعادة. هنعرف من خلال صفحات الكتاب إيه هو المعنى الفعلي لكوننا سعداء، ومصادر السعادة، والمغزى من وراء السعادة، وكيفية البحث عن سر السعادة في الصيحات المختلفة لأساليب الحياة.
كتاب مهم مكتوب بشكل علمي وبأسلوب جميل وبسيط وعميق.
بنتمنى لكم قراء سعيدة وحياة أسعد!
مقترح
معالم وسياحة
المتحف القبطي بالقاهرة.. هنا أكبر مجموعة آثار قبطية في العالم
المتحف القبطي المتحف القبطي المصري +3
الحياة في كايرو
