The Definitive Guide to Living in the Capital , Cairo , Egypt

رنا شرف

جميلة الكتب اللي فيها لمسة روحانية، اللي بتخليك تفهم نفسك أكثر وتتعرف على الحياة بمعناها الحقيقي.. ومن الكتب المميزة في المجال ده، “دليل الروح” للكاتب أحمد فيصل حماد، واللي هيكون متاح في مكتبات القاهرة وفي معرض القاهرة الدولي للكتاب 2024 في نسخته الـ55، والصادر عن دار ليان للنشر والتوزيع.

 

بيقدم الكتاب بلغة سهلة وبسيطة وصفة للتصالح بين الإنسان ونفسه عن طريق تفسير بعض الآيات القرآنية وربطها بالمواقف الواقعية اللي بيتعرض لها الإنسان في حياته، والهدف النهائي للكتاب هو خلق تواصل روحي فعال مع الله.

بيتكلم الكتاب عن موضوعات مهمة زي الصلاة، الذكر، عدل الله، اليقين، لطف الله الخفي وعوضه.

 

 

بيقول الكاتب في كتابه: “عارف يعني إيه “عَسَى اللَّهُ أَن يَأْتِيَنِي بِهِمْ جَمِيعًا”؟ يعني كل حاجة راحت منك وكل حاجة فقدتها وكل حاجة كان غيابها سبب لوجعك “هترجعلك” لكن يوم ما ترجعلك هترجع في أحسن صورة ليها وأنسب وضع ليك والله.. لكن بشرط إنك تبقى متأكد إن كان غيابها مش حكمته الألم قد ما كان حكمته إنك تتشكل إنت كمان في أحسن صورة لاستقبال كل فقد في صورته الجديدة”.

وبيكمل الكاتب: “خليك واثق إنك بتجهز.. وإن الشيء إللي فقدته بيتجهزلك، والوقت اللي كل حاجة هتجهز فيه صح، هو وقت استرجاع المفقود بصورته الجديدة.. خليك على يقين وادعي “عَسَى اللَّهُ أَن يَأْتِيَنِي بِهِمْ جَمِيعًا”.

أحمد فيصل حماد هو كاتب شاب من مواليد محافظة الشرقية، وكتاب “دليل الروح” هو عمله الأدبي الأول.