Mohammed Sabry
سلسلة كتاب اليوم الثقافية أصدرت كتاب جديد بعنوان “توت غنخ آمون ملك الملوك”، للدكتور زاهي حواس. واللي بيتكلم عن عصر مصر الذهبي، خلال حكم الأسرة الثامنة. بالإضافة لحياة الملك الشاب، وأهم مقتنيات مقبرة توت عنخ آمون. والكشف عن أسرة الملك الذهبي. ده معلومات عن حقيقة لعنة الفراعنة وأهم رحلات توت عنخ آمون.
وده يعتبر من الكتب المهمة اللي ممكن تتقدم للمواطن المصري، أو الطلاب عاشقين لحضارة مصر الفرعونية. خاصة إن الكشف ده أهم حدث أثري في القرن العشرين.
وفي الكتاب بيقول حواس، إن “لعنة الفراعنة” مجرد خيال زي القصص اللي بتحكي عن دراكولا وفرانكشتاين، وبيؤكد إن القصص دي ظهرت لأول مرة بعد الكشف عن مقبرة توت عنخ آمون وخصوصاً بعد ما أصيب اللورد كارنوفان الإنجليزى اللي قام بتمويل الكشف عن المقبرة بالمرض، وانتشرت قصة اللعنة عن طريق الصحفية الإنجليزية ماريا كوريلا التى اخترعت اسم لعنة الفراعنة.
وبيحكي الكتاب كمان عن أسرة الملك الذهبى وبيقول إن إخناتون هو ابن الملك أمنحتب الثالث والملكة تى وكان لها أربع بنات هم “نبت ياه، ست آمون، أسيت سى، حنوت بت”، واتجوز اخناتون من الملكة نفرتيتى وأنجبوا ست بنات، وفيه علماء بيعتقدوا أن إخناتون هو والد الملك توت عنخ آمون.
الكشف عن مقبرة الملك توت عنخ آمون نال اهتمام كبير، لأنها المقبرة الوحيدة اللي تم اكتشافها سليمة بجميع محتوياتها. وكان موجود جواها 5398 قطعة أثرية من ملابس ومجوهرات وأثاث.
كمان حواس تناول في الكتاب موضوع موت الملك توت عنخ آمون. وأكد على موت الملك مقتول، وده بسبب وجود فتحة خلف الرأس. بتشير إن حد ضربه على رأسه فمات.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
