The Definitive Guide to Living in the Capital , Cairo , Egypt

كتب

“300 ألف عام من الخوف”.. 5 معلومات عن كتاب شيق في مكتبات القاهرة

كتاب 100 عام من الخوف كتاب يستحق القراءة كتب جديدة مكتبات القراءة
“300 ألف عام من الخوف”.. 5 معلومات عن كتاب شيق في مكتبات القاهرة
بواسطة
Mohamed Talaat

لو كنت بتدور على كتاب مميز وشيق للقراءة في الويك إند، بنرشح لك كتاب “300 ألف عام من الخوف”، للكاتب والدبلوماسي جمال أبو الحسن، اللي بيحكي لنا بطريقة إبداعية قصة الكون والبشر بداية من الانفجار العظيم.

تعالوا نتعرف على 5 معلومات عن الكتاب، نقلًا عن حوار أجراه الكاتب مع موقع النهار العربي.

 

1 – الكتاب بينتمي إلى حقل أكاديمي ناشئ يعرف بـ”التاريخ الكبير”، واللي بيركز على قصة الكون بدءًا من الانفجار العظيم، وتشكيل النجوم، والكواكب، والحياة على الأرض، والحضارة الحديثة، وإيه اللي ممكن يحصل في المستقبل، وفي سبيل ده بيدرس المجال ده الأطر الزمنية الطويلة باستخدام نهج قائم على الجمع بين عديد من التخصصات، من العلوم الطبيعية، والإنسانيات، ومن ثم استكشاف الوجود البشري في سياق هذه الصورة الأكبر.

 

2 – بيقول “أبو الحسن” إن الكتاب مش بيستعرض تاريخ البشر عبر العصور وبس، لكنه فيه إسقاطات عن حياتنا النهارده، واللي بيكشف الكتاب إن لها جذور بعيدة بشكل مدهش وغير متصور.

3 – بحسب الكاتب، الجوهر الأساسي للكتاب بيحاول الإجابة عن تساؤل: ليه بنعيش بالطريقة اللي عايشين بيها النهارده، بالإضافة للبحث عن ماهية الإنسان، ودي تساؤلات موجودة في كل العلوم، في الفلسفة والأنثروبولوجي، وغيرهم، لكن الكاتب اختار الإجابة عن التساؤلات دي من زاوية “التاريخ الكبير”، وهي زاوية بتخلق روابط بين العلوم المختلفة.

 

4 – استخدم الكاتب فكرة إبداعية في كتابة نص الكتاب، من خلال سلسلة من رسائل البريد الإلكتروني بينه وبين ابنته ليلى، وبالتالي بيشكل الحوار مع ليلي العمود الفقري للعمل.

 

5 – الكتاب سعره 190 جنيه، ومتاح في أغلب مكتبات القاهرة، وتقدروا تطلبوه من موقع مكتبة بيت الكتب ويوصلكم لحد البيت من خلال اللينك ده.

مقترح