The Definitive Guide to Living in the Capital , Cairo , Egypt

عشاق القراءة وخاصة مجال التنمية البشرية، بنرشحلكم في السطور اللي جاية، 6 من أفضل الكتب في المجال ده. هتغير تفكيركم وحياتكم للأحسن. تعالوا نعرف الكتب دي مع بعض.. وبنفكركم أنها كلها موجودة في مكتبات القاهرة، زي ديوان والشروق وتنمية وباقي المكتبات.

1- “الإتقان” لروبرت جرين

هو برضه صاحب كتاب “كيف تمسك بزمام القوة”. وفي كتاب “الإتقان” بيقدم لنا دراسة لقوانين السلطة والتأثير. وبيحط القاريء في الممر السري للعظمة، اللي مشي فيه أقوى رجال التاريخ.

2- “بناء المهارات العقلية” لريتشارد إي نيسبت

وفيه الكاتب بيقدم خلاصة أفكاره لتعلم المفاهيم القوية لحل المشكلات. ويعتبر قانون الأرقام الكبيرة، والتراجع الإحصائي، وتحليل التكلفة والفائدة من أفضل الطرق لتعليم الآخرين حل مشكلاتهم بطريقة فعالة.

3- “دماغك في أثناء العمل” لديفيد روك

الكتاب بيقدم استراتيجيات للتغلب على فقدان التركيز، واستعادته والعمل ببراعة طول اليوم. وبيتناول مجالات التحدي في علم الأعصاب، وبيفسرها بطريقة سهلة ومبسطة.

4- “فن الاسترخاء” لهربرت بنسون

الكتاب بيقدم للقاريء علاج لكل من: القلق – الإجهاد – الأرق – الاكتئاب – التوتر. من غير أدوية أو عقاقير.

5- “قواعد السطوة” لروبرت جرين

بيستخلص فيه الكاتب ببراعة، تاريخ طويل من السطوة في 48 قاعدة. وبيعرضها بجرأة ووضوح. وكمان بيمزج فيها أفكار مفكرين كبار زي مكيافيللي، صن تسو، وكارل فون كلوشفيتز.

6- “معادلة السعادة” لنبيل باسريشا

الكتاب عبارة عن خلاصة أكتر من عشر سنين بحوث مستمرة، لفهم تفاصيل السعادة البشرية. وكمان بيضم معارف مئات من علماء النفس وذوي الخبرة في المجال ده.