The Definitive Guide to Living in the Capital , Cairo , Egypt

مين فينا مايعرفش أغنية “ديسباسيتو”؟ الأغنية اللي فجأة بقى العالم كله بيغنيها، وبتشتغل في كل حتة أكتر من أي أغنية تانية. ده غير المشاهدات على يوتيوب، اللي بقت أكثر من 3 مليار مشاهدة.

ومن الأخبار السعيدة، إن شركة أركو للتنمية العقارية، منظمة حفلة بكرة الجمعة 11 أغسطس، في الساحل الشمالي. هيكون فيها النجم “لويس فونسي” اللي غنى ديسباسيتو. وهيكون معاه كمان النجمة نيكول سابا. وده بمناسبة الحفلة السنوية للشركة، اللي هتكون في مشروع سيتي ستارز الساحل الشمالي.

زيارة “فونسي” لمصر، هتشمل زيارته لعدد من المعالم الأثرية، زي أهرامات الجيزة، والمتحف الكبير في منطقة الأهرامات. وده طبعًا هيكون عامل مهم لتشجيع السياحة في مصر.

أغنية ديسباسيتو اتنشرت على يوتيوب بتاريخ 12 يناير 2017، وغناها الفنان “لويس فونسي” والفنان “دادي يانكي”. وفي 6 شهور بقت أكتر أغنية حققت مشاهدات في تاريخ يوتيوب.

الطريف في الأغنية، إن محافظ بورتريكو “ريكاردو رويلو”، كان أعلن إفلاس الجزيرة المطلة على الكاريبي من حوالي شهرين، حسب ما ذكر موقع المصري اليوم. لكن لما أغنية ديسباسيتو اتشهرت، ساعدت بشكل ملحوظ في تنشيط السياحة في بورتريكو. خصوصًا إنها عرضت أماكن سياحية جذابة فيها .وده اللي خلى اقتصاد بورتريكوا ينتعش من جديد.

يا ترى إحنا ممكن نعمل أغنية مصرية، تنشط السياحة عندنا؟ مين عارف!!