The Definitive Guide to Living in the Capital , Cairo , Egypt

مطاعم

أجمد 5 مطاعم وكافيهات في القاهرة لخروجة العيد

أجمد 5 مطاعم وكافيهات في القاهرة لخروجة العيد
بواسطة
Cairo 360

“أهلًا أهلًا بالعيد.. مرحب مرحب بالعيد”.. العيد بيحب الفرحة ولمة الأهل والأحباب على الغداء، بس الأكيد إنه مش كل أيام العيد بنقضيها في البيت، وبنحتاج نخرج وناكل حاجة مختلفة وده اللي هنوفره في دليلنا ده.. مستعدين!

 

أوفيو – Ovio

 

 

أوفيو من الأماكن النادرة اللي فيها كل حاجة تقريبًا، من أول المشروبات الخفيفة اللذيذة سواء صحية أو منعشة والحلويات اللي لا تقاوم، لحد البيتزا والمكرونة وكل الأطباق اللي تحبوها، بالتأكيد مكان مثالي لكل الأذواق.

 

غوستو – Gusto

 

عشاق الجبنة لازم يتجمعوا هنا لأنهم هيروحوا مكان أغلب الحاجات فيه بالجبنة، بس الأكيد إنكم لازم تجربوا المكرونة اللي بتتعمل قدامكم، وبرغم إن المكان صغير شوية، بس الأكل اللي هتستمتعوا بيه يستاهل استحمال الزحمة.

 

كريف – Crave

 

 

سلسلة مطاعم كل يوم بتثبت لنا أن النجاح إصرار ومتابعة أكثر من أي شيء تاني، قعدة مناسبة وأكل من اللي قلبك يحبه، والحلو بتاعه ما يتفوتش بكل أنواعه. مكان كل العيلة هتستمتع فيه.

 

بتاو – Battaw

 

 

ولعشاق الأكل المصري اللي فيه لمسة ابتكار تمزجكم  يبقى بتاو مكانكم، هتلاقوا فيه أكل مصري جميل، يحسسكم بجو العيد بلمسة عصرية مختلفة، هتستمتعوا بكل طبق لوحده.

 

جو شوكليت بار – Joe’s Chocolate Bar

 

 

أما لو عاوزين مكان تستمتعوا بيه بالشوكولاتة وبس يبقى هنا مكانكم، أجمل شوكولاتة معمولة بشغف وحرفية شديدة، أكيد مش هتندموا على تجربتكم هناك.

وكل سنة وأنتم طيبين!

 

مقترح