أسعارهم في المعقول.. 5 مطاعم في القاهرة تطلب منهم أحلى إفطار وأنت في شغلك
أكتوبر الدقي المعادي توصيل فطار فطار مصر الجديدة مطاعم فول وطعمية مطعم مطعم للافطار هليوبوليس وسط البلد
Mohamed Talaat
وجبة الإفطار هي أهم وجبة في اليوم كله، علشان هي اللي بتمدنا بالطاقة اللي بنقدر بيها نكمل باقي يومنا، وكمان الإفطار مهما أختلف بيكون له مذاق جميل بما أنه أول حاجة ناكلها في بداية اليوم، وعلشان الميزانية تكون مظبوطة وتكمل معانا لآخر الشهر.. هنعرفكم على 5 مطاعم مميزة ورخيصة تقدروا تطلبوا منهم إفطاركم اليومي لما تكونوا في الشغل.
أرابياتا
لو كان شغلكم في مصر الجديدة، تقدروا تطلبوا من واحد من أشهر الأماكن اللي بتقدم سندوتشات ووجبات إفطار هناك.. وهو مطعم أرابياتا واللي السندوتش عنده بيبدأ سعره من 4 جنيه.
رقم التليفون: 16919
وتقدروا تعرفوا أكتر عن أرابياتا وفروعه من صفحتهم على الفيسبوك من هنا.
التابعي الدمياطي
لو شغلكم في المعادي، فالتابعي الدمياطي هو من أفضل الأماكن اللي بتقدم إفطار هناك، ولهم أكتر من فرع، ودايمًا هتلاقوا سندوتشاته سخنة، وجودة الأكل عالية، وسعر السندوتش بيبدأ من 3.5 جنيه.
رقم التليفون: 19122
وعلشان تعرفوا أكتر عن التابعي الدمياطي وفروعه، زوروا صفحتهم على الفيسبوك من هنا.
جاد
لو انتوا موجودين في وسط البلد فنصيحتنا تبدأوا يومكم من مطعم جاد، اللي عنده أفضل ساندوتشات في المنطقة، وكمان وجبات على قد الإيد وسعر الساندوتش بيبدأ من 4.5 جنيه.
رقم التليفون: 16475
وتقدروا تعرفوا أكتر عن جاد وفروعه بزيارة صفحتهم على الفيسبوك من هنا.
العمدة
من ترشيحاتنا في محيط الدقي لو عاوزين تفطروا، يبقى تجربوا مطعم العمدة اللي بيقدم وجبات وسندوتشات للفطار بجودة مميزة، وأسعار الساندوتش عندهم بيبدأ من 3.75 جنيه.
رقم التليفون: 15138
وتقدروا تعرفوا أكتر عن العمدة وفروعه بزيارة صفحتهم على الفيسبوك من هنا.
الشبراوي
أما سكان وموظفين مدينة 6 أكتوبر، فأفضل حد ممكن تطلبوا منه وجبات أو سندوتشات فول وطعمية على قد الإيد هو الشبراوي، واللي سعر الساندوتش عندهم بيبدأ من 4 جنيه.
رقم التليفون: 16842
وتقدروا تعرفوا أكتر عن الشبراوي وفروعه بزيارة صفحتهم على الفيسبوك من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
