The Definitive Guide to Living in the Capital , Cairo , Egypt

الفول والطعمية في مصر زي الماء والهواء، و99% من الشعب المصري بيعشقوهم بجنون، وعلشان دول الوجبة الرئيسية عند كتير من المصريين وماينفعش مايكونوش في حياتهم، هنقول لكم في السطور الجاية على أهم 5 مطاعم فول وطعمية في القاهرة، علشان تستمتعوا بأكلهم وجودتهم.

فلفلة

وطبعًا إذا ذكر الفول، ذكر مطعم فلفلة، وهو من أهم وأقدم المطاعم اللي بتقدم كل أنواع السندوتشات، وبيتميز بأسعارها الرخيصة والسندوتش عندهم بيبدأ من 1.75 جنيه.

العنوان: 15 شارع هدى شعراوي – وسط البلد

تليفون: 0223955557

صفحة الفيسبوك من هنا

أكرم جاد

هو أصله إسكندراني، والفول والطعمية عنده مميزين جدًا، زي باقي السندوتشات، والميكسات اللي بيعملها ممتازة، والسندوتش عنده يبدأ من 1.75 قرش.

العنوان: 8 شارع مراد – ميدان الجيزة

13 شارع 26 يوليو – وسط البلد

رقم التليفون: 19194

صفحة الفيسبوك من هنا

التابعي الدمياطي

يا سلام على الفول والطعمية عنده، مايتخيروش عن الكريم كراميل 🙂 وماتنسوش أن سندوتش الفول عنده بيبدأ من 3 جنيه ونص زيه زي الطعمية، يعني سعر هايل ومناسب لكل المصريين.

العنوان: 1 طريق الزهراء الرئيسى – المعادي

وله فروع في المهندسين – نادي الزمالك – داندي مول – القرية الذكية – النادي الأهلي مدينة نصر والجزيرة.

قم التليفون: 19122

صفحة الفيسبوك من هنا

قدرة

من الأماكن اللي بتقدم سندوتش الفول بجودة ممتازة في الزمالك، ومشهود له بالنظافة والخدمة الممتازة، وسعر سندوتش الفول 5 جنيه والطعمية 6 جنيه.

العنوان:شارع 26 يوليو – الزمالك

رقم التليفون: 01208833233

صفحة الفيسبوك من هنا

عم بشندي

مهما اتكلمنا عنه مش ممكن نوفيه حقه، فهو سلطان الفول والطعمية، ودايمًا زحمة جدًا، وسندوتش الفول أو الطعمية أسعارهم بتبدأ هناك من 4 جنيه.

العنوان: ١٧ عمارات الشركة السعودية – أمام البنك الأهلي، مدينة نصر.

رقم التليفون: لا يوجد خدمة توصيل – متاحة فقط من تطبيقات “جلوفو – مرسول”.

صفحة الفيسبوك من هنا