The Definitive Guide to Living in the Capital , Cairo , Egypt

فيه مثل بيقول “افطر فطار ملوك، واتغدى غداء الأمير، وتعشى عشاء الفقير”، وده بيوضح أهمية وجبة الإفطار على صحتنا، والمثل ده يعتبر نصيحة طبية مهمة وعلميًا صحيحة لأن عند استيقاظنا في الصباح بيكون جسمنا مر عليه على الأقل 7 ساعات صيام، وبالتالي أفضل وجبة للإنسان للحفاظ على صحته هي الإفطار، والدراسات أثبتت أن الناس اللي بتحافظ على وجبة الإفطار  أكثر صحة من المهملين فيها، وعلشان كده هنقولكم على 5 أماكن بتقدم وجبة الإفطار بجودة عالية في منطقة دجلة المعادي.

Mr Moussa bakary

خلينا نقول إنكم هتدوقوا عندهم أجمل طعم إيطالي بالتأكيد لأن الشيف رجع مصر بعد 30 سنة في إيطاليا نجح فيهم أنه يكون من أفضل محلات المخبوزات الإيطالية، وبيقدموا كرواسون اللي اسمه عندهم “بيريوش”، بداية من سعر  68جنيه، وعندهم فوريلا وتيرماسيو زي ما قال الكتاب.

تقدرو تعرفوا أكتر عنهم من خلال صفحة الفيسبوك من هنا.

 

Ratios bakery

ممكن نقول عنه أهم مكان بيقدم وجة الإفطار في القاهرة كلها مش المعادي بس، ومعروف عنهم جودتهم العالية، بس كمان سعرهم العالي، وبيبدأ الكرواسون عندهم من سعر 90 جنيه، والسندوتشات من 150 جنيه.

تقدروا تعرفوا أكتر عنهم من خلال صفحة الفيسبوك من هنا.

 

Madeleine

مش معروف قوي ولكننا بنعتبره من أفضل الأماكن اللي بتقدم وجبات إفطار بجودة كويسة، وأسعارهم مش غالية قوي، الكرواسون عندهم من 60 جنيه والسندوتشات من 150 جنيه.

تقدروا تعرفوا أكتر عنهم من خلال صفحة الفيسبوك من هنا.

 

Ovio

صحيح قعدته رايقة بس أكله رايق أكتر وبيقدموا تشكيلة كبيرة من المخبوزات والسندوتشات المميزة في الطعم، ممكن يعيبهم بطئ الخدمة شوية بالنسبة لينا، لكن في العموم الكرواسون عندهم يبدأ من 59 جنيه، والسندوتشات من 179 جنيه.

تقدروا تعرفوا أكتر عنهم من خلال صفحة الفيسبوك من هنا.

 

MARNY’S

المكان ده فيه روح مختلفة عن أي مكان، تحسوا أنكم بتفصلوا عن الواقع ومعندناش سبب لكده، وهما بيقدموا وجبات افطار مغذية مختلفة تبدأ من 110 جنيه، وللأسف معندهمش قسم للمخبوزات زي الباقيين.

تقدروا تعرفوا أكتر عنهم من خلال صفحة الفيسبوك من هنا.