The Definitive Guide to Living in the Capital , Cairo , Egypt

لو سألناك يعني إيه مطبخ عالمي بالنسبة لك..  غالبًا هتكون إجابتك إنك تجرب الأكلات والأطباق المختلفة، من أول الأكل الإيطالي لحد الأكل الأمريكي والفرنساوي متجمعة لك في مكان واحد، هنقولك صح، بس النهارده فريق كايرو 360 جاي يقولك كمان إزاي مهم إن الأصناف والأكلات دي تتنفذ صح علشان تبسط اللي بياكلها، وعلشان كده اختارنا لك الأفضل في مطاعم الأكل العالمي لسنة 2022.

اعرف معانا المطاعم اللي فازت في فئة أفضل المطابخ العالمية فى جوائز اختيارات محرري كايرو 360 لسنة 2022:

 

كولينا –Culina

في المكان ده، وبكل سهولة واحترافية، هتلاقي أكتر من مطبخ، هتبتدي بأنواع الباستا، وهتعدي على الأكل الهندي، ولو بتحب السوشي يبقى جيت المكان الصح.

 

 

مو بيسترو – Mo Bistro

تجربة “مو بيسترو” تجربة مش هتكرر كتير في عالم المطاعم العالمية، وده لإنهم هيبهروك بتنوع الأطباق مع الجودة المختلفة والمميزة لكل حاجة جربناها هناك.

 

.

 

ذا سموكرى  – The Smokery

السالمون حكاية من حكايات ألف ليلة وليلة في “ذا سموكري” ولازم تجربه، المكان بشكل عام مع طريقة التقديم والأطباق المغرية هتخليكم مش عاوزين تروحوا.

 

يو بيسترو&  بار – U Bistro & Bar:

القعدة الحلوة بتفتح النفس، أهو المثل ده تحديدًا بينطبق على “ويو بيسترو” لإنه مش بس بيقدم أكل ممتاز، لكن كمان ديكور المكان مختلف وجوه دافي ولذيذ.

أبيريتيفو  – Aperitivo

 كل فترة، بنعدي على “أبيرتيفو” علشان نستمتع بكل الأكلات الشهية اللي بيقدمها، والقعدة المريحة اللي هناك، واللي بكل بساطة هتسيب علامة في حياتك من أول زيارة للمكان.

 

Frank & Co:

من المطاعم اللي بتقدم أكلات عالمية بشكل مختلف ومميز، سواء في شكلها أو طعمها، ده غير إنه متخصص ومتميز في أكلات السي فود.

 

Good Stuff Eatery:

“برجر بالمارشميلو” مع “تين شيك”.. اختراعات جديدة بيقدمها المكان، ومش بس جديدة في أفكارها، لا دي كمان جديدة في طعمها، حاجة كده مش هيفهمها غير عشاق البرجر.

 

وان أوك – One Oak

عشاق السوشي والستيك يجمعوا هنا في “وان أوك” مع إنه صعب تجمع بين صنفين صعب جدًا تنفيذهم صح، لكن المكان ده بيبدع فيهم، وبيقدم أنواع مختلفة هتخليك حاسس إنك في حلم.

 

تيدز – Ted’s:

تجربة رائعة ومش سهل تنساها، وحقيقي هتحس من أول ما تدخل المكان إنك في مكان عالمي بره مصر،المنيو مبهجة ومليانة أصناف وأكلات عالمية، وكلها معمولة من مكونات طازة 100% .. جربنا منها Green Way Pasta وستيك ساندويتش وسي فوود باييا وليمون ماسترد تشيكن، وبيتزا فراخ بالسبانخ، وغيرهم كتير من الحاجات الحلوة.

 

جابيز – Gaby’s:

المكان بيجمع بين جمال التصميم والديكورات والأكل الحلو والجو المبهج، ويا سلام لو في صحبة حلوة.. القعدة والأكل والروائح والجو بشكل عام هتحسسك إنك في بيت ريفي في قرية أوروبية صغيرة، مليانة بهجة.