تأكل فين أجمد “سوشي” في القاهرة؟
أفضل مطاعم سوشي أكل أسيوي المطبخ الأسيوي في مصر مطاعم سوشي مطاعم سوشي في القاهرة
Cairo 360
رنا شرف
السوشي أصبحت أكلة معروفة ولها شعبية كبيرة في القاهرة، ورغم إن المطبخ الأسيوي مش أشهر مطبخ في منطقتنا العربية، لكن السوشي تحديدًا له جمهوره العريض. ولو نفسك تاكل سوشي مميز، خلينا نعرفك على أفضل مطاعم في العاصمة المصرية بتقدم سوشي مميز ويستاهل التجربة.
موري سوشي
من أشهر وأقدم المطاعم اللي بتقدم سوشي في القاهرة، ويعتبر علامة في عالم السوشي. موري سوشي عنده أطباق مميزة من السوشي زى رول الأفوكادو كاتر بيلر وده سعره 75 جنيه، وعنده كمان رول رينبو مانجو وده سعره 59 جنيه.
اعرفوا أكتر عن المكان والمنيو الخاص به من هنا.
ساكورا سوشي
من المطاعم المميزة اللي بدأ اسمها يسمع في القاهرة. عندهم سوشي رول تونة وأفوكادو وسلمون. كمان عندهم نودلز حار وعادي يعني لو دخلت ساكورا ومالكش في السوشي قوي يبقي تجرب النودلز. أسعار ساكورا سوشي ممكن تكون غالية شوية، بس الجودة تستاهل.
اعرفوا أكتر عن المكان والمنيو الخاص به من هنا.
سانتوكو
مش بس مميز في السوشي، ده كمان بيقدم أطباق تانية حلوة. أجمل حاجة في سانتوكو إنه بيقدم السوشي بأشكال جديدة ومميزة، كمان شكل التقديم بيكون حلو.
اعرفوا أكتر عن المكان والمنيو الخاص به من هنا.
ساتشي
من المطاعم المعروفة في مجال السوشي، وعنده أشكال مختلفة من السوشي والسلاطات المناسبة له زي سلاطة السيزر المشهورة وسلطة السلمون وسلطة الكرنب. أسعاره متباينة، فيه حاجات سعرها متوسط وحاجات سعرها عالي.
اعرفوا أكتر عن المكان والمنيو الخاص به من هنا.
تاوو
مطعم تاوو مش بس بيقدم سوشي يستاهل بوقك، ده كمان بيقدم أكل هندي وصيني. المكان حلو وعنده أطباق خاصة للأشخاص النباتيين.
اعرفوا أكتر عن المكان والمنيو الخاص به من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
