“تيسي شيبين”.. رحلة شهية لـ5 مطاعم صينية في القاهرة
أفضل مطعم صيني أكل آسيوي أكل صيني مطاعم صينية
Mohamed Talaat
الأكل الصيني من الأكلات اللي لها جمهور كبير في مصر، ودائمًا الأطباق اللي بيقدموها بتكون “تيسي شيبين”، ودي جملة صينية بتعني الأكل المميز. ومعظم المطاعم الصينية في القاهرة بيكون الشيفات بتوعهم صينيين بالفعل ده لو مكنش الملاك كمان صينيين، وفي الفترة الأخيرة بقى فيه منهم مطاعم راقية تنفع لخروجات مميزة، وعلشان كده اخترنا 5 مطاعم صينية في القاهرة يستحقوا التجربة.. اتفضلوا معانا!
8 Chinese
خلينا نقول إن المطعم ده من أفخم وأرقى مطاعم الأكل الصيني وهو بيقدم جودة عالية ومميزة مع إطلالة روعة وديكور مبهر، وعنده أطباق مختلفة كأوبن بوفيه، ده غير أنكم تقدروا تطلبوا طلب خاص بيكم من خلال الحجز.
العنوان: فندق فورسيزون نايل بلازا – جارن سيتي.
رقم التليفون: 0227916888
وتقدروا تعرفوا أكتر عنهم من خلال الموقع الإلكتروني من هنا.
Chinoix Restaurant
البط الصيني والديم سوم متاحين بشكل مختلف في مطعم chinoix وكمان المكان هتحسوا فيه بدفء مختلف سواء كنتم مجموعة أو رايحين لوحدكم وده لأنهم بيتعاملوا مع العملاء بكل حب، وماتنسوش أنكم تقدروا تاكلوا كل اللي تقدروا عليه في عرضهم اليومي.
العنوان: فندق رينيسانس – القاهرة الجديدة.
رقم التليفون: 0224063333
وتقدروا تتعرفوا أكتر عنهم من خلال الموقع الإلكتروني من هنا.
Dragon
من المطاعم الراقية والمميزة في كل حاجة، وبيقولوا على نفسهم إنهم الطعم الحقيقي للأكل الآسيوي، وأنهم أفضل أكل صيني، والمكان مناسب جدًا للجروبات وقعدات المرح للأصحاب، وهتلاقوا كل ما تشتهوه من الأكل الصيني المميز عندهم.
العنوان: 32 شارع 7 – المعادي.
رقم التليفون: 0227509516
وتقدروا تتعرفوا أكتر عنهم من خلال صفحة الفيسبوك من هنا.
Peking
من الأماكن المفضلة لنا في القاهرة لما نحب ناكل أكل صيني وهو من المطاعم الراقية وكمان من أقدم المطاعم الصيني المعروفة لأنه موجود من سنة 1963، ولهم فروع في أماكن مختلفة، وبيقدموا جودة وخدمة فوق الممتازة، وهما مميزين ومعروفين بمدخلهم الصغير كأنكم داخلين الصين.
العنوان: شارع الأطباء – الدقي.
رقم التليفون: 0233366734
وتقدروا تعرفوا أكتر عنهم من خلال الموقع الإلكتروني من هنا.
Tianma
نقدر نقول إن المطعم ده عنوان للفخامة والرقي بديكورات مبهرة جدًا، وأكلات متميزة بسيت منيو للأكل موجود طول الوقت، وبيقدموا أكل فيجيتريان وعادي منخفض السعرات، ولكن سعره عالي حبيتين ولكن يستاهل التجربة.
العنوان: فندق سانت ريجيس “ماريوت”، 1189 كورنيش النيل – بولاق أبو العلا.
رقم التليفون: 01006772297
تقدروا تعرفوا أكتر عنهم من خلال الموقع الإلكتروني من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
