The Definitive Guide to Living in the Capital , Cairo , Egypt

أحيانًا، الموضوع ما بـ يكونش متعلق بالأكل زي ما هو متعلق بالجو العام للمكان، لما تحب تقابل حد أو محتاج مكان مفتوح علشان تذاكر فيه، الأماكن اللى هـ تكون متاحة أمامك آخرها هـ تقدم لك شيشة أو حاجة تشربها، لكن فى جائزة “أفضل أماكن اللاونج” هـ تعرف ممكن تخرج فين تستمتع وتسترخي، هـ تلاقى مواقع متميزة بـ تقدم لك مشروبات منعشة، وجو عام مناسب علشان تلتقى بأسرتك وأصدقائك.

سيكويا – Sequoia

وضع طبيعي جدًا أن سيكويا يبقى على رأس قائمتنا؛ الخدمة والأكل ممتازين مافيش كلام، ولكن أكثر شيء أنفرد به هو موقعه الرائع… يعني مش بس في الزمالك، ده كمان على النيل. في رأينا ده أنسب مكان لأي وقت.

ذا ليمون تري & كو – The Lemon Tree & Co

المرة دي الموقع مش بس على النيل في الزمالك، هو فعليًا في النيل، وفي أعلى نقطة في مركب أمبريال… ولك أن تتخيل الجو هناك، مع الديكور بألوانه المبهجة، والمنيو المتنوع والكوكتيلات المنعشة. كل ده كان كفيل بأن يكون ذا ليمون تري & كو واحد من الأماكن المميزة بالنسبة لنا.

 

ولعة – Wel3a

خلينا نعترف بأن الكافيهات والقهاوي موجودة في كل مكان فيكي يا قاهرة، بس أن يكون فيه كافيه متخصص للشيشة بجميع أنواعها، وبدون دفع مبالغ خرافية في آخر الليلة… هو ده الجديد. ده طبعًا غير منيو الأكلات الخفيفة والقهوة والشاي. هي القعدة الحلوة إيه غير شيشة مُعمرة وحاجات ثانية فوق بعضها!

لفت بانك – Left Bank

من أكثر الأماكن اللي أنبسطنا فيها جدًا، ديكوراته الهادئة مع موقعه على النيل، على الكم الرهيب من الاختيارات اللي الموجودة في المنيو وده غير الحلويات العظيمة… إحنا ممكن نفضل نتكلم عن لفت بانك لغاية بكرة الصبح على فكرة.

ناي لاونج – Ney Lounge

إحنا فاكرين أول حاجة خطرت على بالنا لما زرنا ناي لاونج لأول مرة: “خذ راحتك بشياكة”. المكان أكثر من رائع وقعداته متنوعة وتناسب أي حالة مزاجية وأي عدد من الأفراد، التنوع ده نفسه موجود في المنيو الضخم واللي فيه تقريبًا كل حاجة… ناقص بس أننا نقول لك قد إيه موس الشوكولاتة بالبرتقال عالمي.

 

ألف مبروك للفائزين!