جوائز كايرو 360: أفضل مطاعم متخصصة في القاهرة لسنة 2021
أفضل أماكن اختيارات كايرو 360 لأفضل مطاعم متخصصة في القاهرة لسنة 2021 اختيارات محرري كايرو 360 لأفضل المطاعم
Cairo 360
كل بلد بتكون معروفة بأكلة معينة بتميزها، وبتخلي الناس لما تسافر البلد دي لازم تجربها، نفس الفكرة في المطاعم المتخصصة اللي بتقدم أكلات متخصصة من مطابخ عالمية مقدمة بحرفية عالية، لدرجة أنك تحس أنك سافرت البلد نفسها وجربت الأكل فيها.
تعالوا نتعرف مع بعض على الفائزين في فئة أفضل المطاعم المتخصصة في القاهرة ضمن جوائز اختيارت محرري كايرو 360 لعام 2021:
من الأماكن القليلة اللي قدرت تحافظ على جودة كل الأكلات اللي بتقدمها سواء الحلويات الخاصة بيهم أو برطمانات المربة والعسل، أو المكرونة والبيتزا والسلاطات. حالة من الحرفية والشغف مش من الساهل تلاقيها في أي مكان.
لو أنت من عشاق المطبخ اللاتيني يبقى أكيد هتقع في حب تابلا لونا اللي تفننوا في تقديم الأكلات اللاتينية سواء في الحلو أو الحادق أو حتى المقبلات. تجربة صعب تتنسي وتستاهل أنك تجربها مرة على الأقل في حياتك.
من الأماكن القليلة في القاهرة اللي هتلاقيها بتقدم أكل تركي ببراعة، مش بس لأنها في فندق النيل كمبنسكي لكن كمان عذوبة وأناقة الأكلات التركية اللي بتقدمها ما تتوصفش، تتعاش بس.
المكان بيقدم أكلات من المطبخ اليوناني، هتحس فيه كأنك على جزيرة من جزر اليونان فعلًا، وده بسبب اللون الأزرق الطاغي على كل تفاصيل المكان، والهدوء والراحة النفسية اللي بيخلقها الديكور، بألوانه الهادية، وقعدته الرايقة.
فيش شيبس آند دبس – Fish Chips & Dips:
لو كنت بتحب تجربة أكلات ووجبات جديدة ومطرقعة، يبقى لازم تجرب ساندويتش الدويتو الجمبري والفراخ، وبرجر السلمون العجيب في فيش شيبس آند دبس، تجربة مستحيل هتنساها.
