The Definitive Guide to Living in the Capital , Cairo , Egypt

المطبخ الإيطالي من أشهر المطابخ على مستوى العالم، مش بس في مصر. وطبعًا لما نقول أكل إيطالي، أول حاجة بتيجي في دماغنا البيتزا. وفي القاهرة مطاعم كتير بتقدمها، وبتتنافس كلها على تقديم أفضل الأكلات. وده طبعًا في مصلحتنا إحنا، علشان بندوق أجمل وأطعم الأطباق الإيطالية الأصيلة. وفي المقال ده بنقدم لكم الفائزين بجوائز اختيارات محرري كايرو 360 لعام 2017 لأفضل المطاعم الإيطالية:

بيتزا إل ديفينو – IL Divino Pizzeria

العبرة مش بالحجم، خصوصًا مع مطعم إلديفينو في الزمالك. لأن المكان الصغير ده، بيخرج واحدة من أفضل وأجود أنواع البيتزا في القاهرة.

ع الحطب – 3al 7atab

الطعم المميز، والأكل اللي معمول بإتقان وبشكل محترف، علامة بتميز أي مكان تدخله. وده اللي هتلاقيه في مطعم ع الحطب، في المعادي.

أوليفو – Olivo Pizzeria

مافيش شك إن البيتزا في أوليفو الزمالك، هتاخدك لعالم تاني. سواء الطعم أو المكونات، أو حتى الخدمة في المكان. كلها أساسيات تبني أي مكان ناجح.

بيلا – Bella

الأكل الإيطالي الصح، بيحتاج وقت طويل ومكونات كتيرة، علشان يطلع مظبوط 100%. وده اللي هتلاقيه وأكتر في مطعم بيلا، في فندق فور سيزونز نايل بلازا.

عيش وملح – Eish + Malh

لما تجرب أكل إيطالي بطعم ماحصلش، وكمان بخدمة روعة وأسعار معقولة. يبقى أنت أكيد في مطعم عيش وملح في وسط البلد.

لا تراتوريا – La Trattoria

وسط كل المطاعم اللي لها اسمها في عالم الأكل الإيطالي، هتلاقي لا تراتوريا واخد وضعه بشكل ملحوظ. وهتاكل فيه بيتزا مالهاش مثيل في أي مكان تاني.

بانيه فينو –   Pane Vino

في بانيه فينو، مش بس هتاكل بيتزا، اتحطت فيها كل المكونات اللي تبهرك. أنت كمان هتستمتع بفيو تحفة، وأنت قاعد جوه فندق إنتركونتيننتال سميراميس، في جاردن سيتي.

سترادا – STRADA

مطعم سترادا، في فور سيزونز فيرست ريزدنس، بيقدم منيو متكامل ومتنوع من الأكل الإيطالي، بجانب البيتزا. وطبعًا بجودة فوق الوصف. ده غير أكلات تانية زي الباستا والريزوتو.