حفل إطلاق منيو تيدز الجديدة وسهرة رائعة مع تسع وجبات مختلفة
Ramy Soliman
كتب: رامي سليمان
في مقولة عندنا في مصر بتقول طالما الحاجة ماشية، بلاش تلعب فيها. المقولة دي مش مناسبة لعالم الأكل والمطاعم، وتيدز أحسن ناس بيأكدوا على كلامنا.
المطعم الموجود في سيتي ستارز من ساعة افتتاحه وهو عامل ضجة كبيرة، وقدم لنا واحدة من أحلى تجارب الأكل المتكاملة في القاهرة من قعدة وأكل وشرب.
أخر حاجتين دول عملوا عليهم تعديل مهم هيعمل فرق كبير، وعلشان كده روحنا وشوفنا إيه الأخبار هناك. حفل إطلاق المنيو الجديدة حصل مؤخرًا و#كايرو_360 حضرته وكان فرصة هايلة لتجربة المنيو الجديدة وشهد حضور نجوم زي يارا الجندي وسارة أبو العلا ودينا موافي وفريدة الخادم وغيرهم، واللي استمتعوا بأجواء تيدز الجميلة مع الأكل والمشروبات والقعدة الحلوة.
منيو تيدز الجديدة ظهرت للنور بمساعدة الشيف اللبناني أنطوان إلياس، وتقريبًا كل الأطباق حصل فيها تعديلات مع إضافات جديدة مبتكرة مالهاش حل. زوار المكان كانوا على موعد مع رحلة حول العالم مع المغنية الموهوبة إيمي فريجا اللي قدمت أوراق اعتمادها من فترة قريبة باشتراكها مع سمير جورج في فرقة “Voice & Bass” وطبعًا المطبخ قام بدوره تمام.
حوالي 30 طبق مختلف اتقدموا من المنيو المكونة من تسع وجبات لذيذة، وشملت حاجات كتير زي الساندويتشات وبيف تندرولين، وكان واضح على كل الحضور الاستمتاع بالمهرجان المميز –ننصحكم أنتم كمان تجربوا المنيو الجديدة فورًا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
