The Definitive Guide to Living in the Capital , Cairo , Egypt

رمضان في القاهرة حاجة تانية، بيتميز بأجواء مش هتلاقوها في أي حتة تانية، بزينته وفوانيسه وشعائره وزحمته ولمته ومشاعر قبل المدفع وصوت الآذان المميز، وحتى الأكل بره البيت في رمضان له طعم مختلف، وهتلاقوا في كل مكان حاجة بتميزه خصوصًا لما المطاعم بتكون كريمة في خدمتها ووجباتها وجودتها، وعلشان كده هنقولكم على 5 مطاعم أكل مصري تقدروا تفطروا فيها في رمضان 2024، وخلونا نأكد على أن كل المطاعم لازم الحجز فيها قبلها بساعات على الأقل.

الربيع

حواوشي الربيع من أهم أماكن تقديم الأكل المصري في القاهرة، وهو مش بتاع حواوشي بس لكن هتلاقوا عنده طواجن ولحوم جريل ومكرونة وفتة وأرز وورق عنب وغيرهم، وعندهم فرعين الرئيسي في إمبابة، والفرع التاني في الشيخ زايد.

وتقدروا تعرفوا أكتر عنهم من خلال صفحة الفيسبوك من هنا.

 

صبحي كابر

من أيام المحل القديم اللي كان كله بركة وفاتحة خير على أصحابه، وهو بيقدم جودة ممتازة في الأكل المصري، وحاليًا موجود في ساحل شبرا بأحلى ضيافة وطعم وجودة.

تقدروا تعرفوا أكتر عنهم من خلال صفحة الفيسبوك من هنا.

 

الإخلاص فتحي

اسمه غريب بس خلينا نأكد أن له نصيب في اسمه لأنه مخلص جدًا في عمل المشويات وبيقدم شوية طواجن عجب، وأكتر حاجة بنحبها من عندهم السمان المشوي اللي لازم يكون في كل مرة على ترابيزتنا، وهما موجودين في روض الفرج.

وتقدروا تعرفوا أكتر عنهم من خلال صفحة الفيسبوك من هنا.

بيبو

أكيد لما نتكلم عن الأكل المصري لازم نقول بيبو اللي بيقدم طواجن ومشويات وحبشتكنات مصرية بتخليه أهم واحد في مصر الجديدة بيقدم مشويات وطواجن.

وتقدروا تعرفوا أكتر عنهم من خلال صفحة الفيسبوك من هنا.

 

الرايق

من أشهر المطاعم اللي بتعمل أكل مصري في المعادي وعن تجربة الأكل عنده تحفة والجودة ممتازة، وكمان عندهم مجموعة محددة من الأطباق المصرية فمش هتحتاروا في الاختيار، ومشوياتهم في حتة تانية، وخدمتهم كلاسيكية بتاعة زمان.

تقدروا تعرفوا أكتر عنهم من خلال صفحة الفيسبوك من هنا.