The Definitive Guide to Living in the Capital , Cairo , Egypt

مطاعم

صباح الروقان.. 5 أماكن بيقدموا إفطار مميز في القاهرة

أماكن للإفطار في القاهرة إفطار تفطر فين مطاعم اقتصادية مطاعم القاهرة وجبات إفطار في القاهرة
صباح الروقان.. 5 أماكن بيقدموا إفطار مميز في القاهرة
بواسطة
Cairo 360

رنا شرف

الإفطار وجبة أساسية مهمة في حياتنا، ويا سلام لو كانت معمولة بمزاج عالي، بتعدل معاها اليوم كله. اعرفوا 5 أماكن بيقدموا إفطار مختلف ورايق في القاهرة، يلا بينا.

 

جراسيا

مكان رايق في القاهرة، بيطل على مباني قديمة وحديثة، جو كده جميل، وده لأنه موجود في قلب في الكوربة. المكان دوريين بنرشح لك تفطر في الدور العلوي، وهتبقى شايف الكوربة كلها بمبانيها التاريخية.

الأسعار معقولة والجودة عالية.

الفرن اللبناني

لو بتحب المعجنات والمناقيش والمخبوزات فقد وصلت إلى وجهتك! هتنبسط جدًا مع منقوشة زعتر مثلًا ومعاها كوباية شاي. الفرن اللبناني له فروع كتير أشهرها فرع المعادي.

 

سيركل كاي

لاتيه وكرواسون أو قهوة إسبريسو مع باتيه أو سندوتش علي ذوقك، يبقي سيركل كاي هيعجبك. الأسعار هناك معقولة والقعدة جميلة. لو حابب إفطار على السريع يبقي هناك هتنبسط.

 

التابعي الدمياطي

فول وفلافل ومعاهم شوية طحينة مع مخلل وعيش كتير، لو بتحب الجو ده يبقى الإفطار المتين عند التابعي الدمياطي هو محطة وصولك! المطعم له فروع كتير أشهرها فرع وسط البلد.

 

لابوار

عشاق الحلويات والجاتوهات يجمعوا! هتقدروا تستمتعوا بحاجة حلوة مع القهوة في لابوار. المكان له فروع كتير جدًا، وإحنا بنرشح لكم فرع وسط البلد اللي بيتميز بالقعدة الجميلة وسط مباني وسط القاهرة العظيمة.

مقترح