The Definitive Guide to Living in the Capital , Cairo , Egypt

معروف أن الشاورما من الأكلات اللي ليها شعبية كبيرة في مصر، وكمان بتوصل مع بعض الناس لدرجة أنها بتكون هرمون السعادة ليهم، ورغم انتشار أنواع كتير من الشاورما زي اللبناني والسوري وغيرهم، إلا أن الشاورما المصري ليها مذاق خاص، وعلشان كده هنقول لكم خلال السطور الجاية على أحلى 5 مطاعم في القاهرة بيعملوا شاورما مصري من بتاعة زمان.

نعمة

من أقدم الأماكن اللي بتعمل شاورما مصري جميلة، وهما محافظين على أنهم يعملوا شاورما مصري وماغيروش الأمر ده من سنين، وسعر الرغيف عندهم بيبدأ من 15 جنيه.

العنوان: 172 شارع النيل – بجوار مستشفى الشرطة – العجوزة.

رقم التليفون: 0233365555

وتقدروا تعرفوا أكتر من خلال صفحة الفيسبوك من هنا.

أبو حيدر

أشهر محل شاورما مصري في مصر الجديدة، مع العلم أن أصله سوري، والمكان هتلاقوا عنده طول الوقت زحمة مش طبيعية لدرجة أنكم ممكن تقعدوا وقت طويل علشان تستلموا الأوردر بتاعكم أو تلاقوا مكان في الصالة تاكلوا فيه، وسعر السندوتش عنده بيبدأ من 16 جنيه.

العنوان: شارع ابراهيم اللقاني – الكوربة – مصر الجديدة.

رقم التليفون: 01060498970

وتقدروا تعرفوا أكتر من خلال صفحة الفيسبوك من هنا.

سمسمة

الجودة بتاعة الأكل هتعرفوا أنها عالية لما تشوفوا كمية الناس اللي بتاكل في مطعم سمسمة، اللي الشاورما بتاعته أحسن شاورما في الدقي، وعندهم سعر رغيف الشاورما بيبدأ من 15 جنيه، وهو من علامات الدقي المميزة.

العنوان: 6 شارع الدقي – بجوار سمير وعلي.

رقم التليفون: 01010005100

وتقدروا تعرفوا أكتر عنهم من خلال صفحة الفيسبوك من هنا.

كايزو

كايزو من المطاعم اللي قدرت في وقت قصير تسيب علامة مميزة في طعم الشاورما المصري، وبقى المطعم ده من أهم الأماكن اللي لازم نرشحها لما نتكلم عن الشاورما المصري، وسعر الرغيف عندهم بيبدأ من 18 جنيه.

العنوان: بلاتز مول – بجوار ستاد بترو سبورت – القاهرة الجديدة.

رقم التليفون: 01050003993

وتقدروا تعرفوا أكتر عنهم من خلال صفحة الفيسبوك من هنا.

رأفت

رأفت تريموف بيعمل عظمة في الشاورما، وهو من أشهر الأماكن في منطقة هليوبليس ومشهور أنه أصل الشاورما المصري في مصر الجديدة، وسعر الرغيف عندهم بيبدأ من 15 جنيه.

العنوان: 10 ميدان تريموف – مصر الجديدة.

رقم التليفون: 0227758781

وتقدروا تعرفوا أكتر عنهم من خلال صفحة الفيسبوك من هنا.