The Definitive Guide to Living in the Capital , Cairo , Egypt

مطاعم

قبل رمضان ما يخلص.. 10 مطاعم لازم تجرب الإفطار فيهم

أفضل المطاعم أكل إيطالي أكل شرقي أكل لبناني إفطار القاهرة رمضان 2018 مطاعم
قبل رمضان ما يخلص.. 10 مطاعم لازم تجرب الإفطار فيهم
بواسطة
Cairo 360

الأكل متعة من متع الحياة لما بتتقدم لك بطريقة جميلة ويكون طعمها لذيذ بعد يوم صيام طويل، وقتها ده هيكون سبب من أسباب سعادتك، حتى لو الأمر هيكلفك مبلغ وقدره، في سبيل أنك تستمتع بيوم لطيف مع عيلتك أو أصحابك.

جمعنا لكم أفضل 10 مطاعم هتستمتع فيهم بكل حاجة هتطلبها هناك، سواء من ناحية الجودة أو المكان أو حتى الخدمة، وزي ما بيقولوا اسأل مجرب.. إحنا بقى جربنا الأماكن دي وبنرشحها لك بقلب جامد.

كريف  – Crave

الأكل اللي معمول بحرفية وحب بيبان بعد مرور أكتر من سنة على المكان، وهل هيستمر في تقديم نفس الجودة ولا لأ، والحقيقة إن مطعم كريف بكل فروعه بيقدم أفضل أطباق من المطبخ العالمي بجودة عالية ما تغيرتش من ساعة ما فتح. يعني لو عاوز تتمزج بجد وتسمتع بكل دقيقة يبقى لازم تجرب تفطر هناك. وفي رمضان بيكون فيه بوفيه مفتوح للشوربة والسلطات وبتطلب الطبق اللي أنت عاوزه عادي. بس طبعًا لازم تحجز من قبلها وتقدر تكلمهم على الرقم ده 16788.

تمارا إلنا – Tamara Elna

من الأماكن القليلة اللي بتقدم أكل شرقي ولبناني بمزاج عالي جدًا، وتبقى محتار ما بين السلطات والأكل اللبناني اللي متبل صح، فما بين فتة الشاورما أو الفروج أو صفيحة اللبنة لازم تحتار وسط الأطباق المغرية جدًا. وتقدر تحجز من خلال الرقم ده 01208888496.

تيدز – Tedz

أفضل مكان بيعمل أكل إيطالي بلا منازع سواء في الحلويات أو الطباق العادية، يعني مش بس البيتزا اللي عجينتها رفيعة ولا المكرونة اللي معمولة بتتبيلة تجنن، لكن كمان البراونيز والكريم بروليه يجننوا ده غير العصائر طبعًا. وتقدر تحجز من خلال الرقم ده 01223000599.

ستديو مصر – Studio Misr

من الأماكن القليلة اللي بتعمل أكل شرقي من اللي قبلك يحبه، يعني ما ينفعش تروح هناك من غير ما تجرب الملوخية ولا الكباب والكفتة والشيش طاووق اللي بيتقدموا على الفحم حاجة أخر دلع. وتقدر تحجز للفطار من خلال الرقم ده 19002.

أوفيو – Ovio

أوفيو مش فاتح من كتيير بس ليه منزلة كبيرة عندنا لأن عارف كويس قوي هو بيعمل إيه وكل حاجة عنده بالمسطرة سواء في الخدمة أو التقديم أو الأكل اللي طعمه يجنن، يعني ما بين أصناف السلاطات أو المكرونة أو الأطباق الرئيسية أو حتى الحلو مافيش طبق جربناه ماخدش مننا الجايزة الأولى. وتقدر تحجز من خلال الرقم ده 01013333890.

ذا وايت أوول – The White Owl

لو عاوزين تجربوا أفضل مكان بيعمل مكرونة بصوص يجنن يبقى ده مكانكم المناسب، ويا سلام لو اخترتم طبق المكرونة مع البط، المنيو هناك بقدر ما هو متنوع بقدر ما هو مافيش حاجة فيه ممكن ماتعجبش وما تنبسطش بيها. وتقدروا تحجزوا من خلال الرقم ده 01211691699.

عيش وملح – Eish & Malh

مكان جميل في وسط البلد بينقلك بخفة لإيطاليا وكمان بيقدم عروض موسيقية في أوقات كتيير، لكن لو ما جربتش هناك الرافيولي أو الباستا أو التراميسو الخطير هيبقى فاتك نص عمرك. تقدر تحجز من الرقم ده 01003025346.

بتاو – Battaw

من الأماكن القليلة اللي بتعمل أكل شرقة بلفتة إبداعية فيبقى بتاكل طبق سجق بالرمان وأنت مستمتع، وتدوس في أي افتكاسة هم عاملينها وأنت مطمن أن طعمها هيكون حلو، وتقدر تحجز من خلال الرقم ده 01000660810.

كاسبر & جامبينيز – Casper & Gambini’s

الرقي في الأطباق وتنوعها من مطابخ مختلفة مكانه بس كاسبر أند جامبينيز اللي بيقدم أكلات تخليك تستمتع بكل قطمة، يعني لو ليك في السوشي هتلاقي لو ليك في الأكل الآسيوي هتلاقي لو ليك في الأكل العالمي هتلاقي وبيتقدم لك بطريقتهم الخاصة اللي أكيد هتعجبك، وتقدر تحجز من النمرة دي 16852.

مو بيسترو – Mo Bistro

لو عاوز تجرب مكان قعدته حلوة وكمياته كبيرة وهيمزجك بجد يبقى ده مكانك، مو بيسترو فاجأنا بالستيك بتاعه وطريقة تقديمه ده غير أطباق المكرونة والأطباق الرئيسية. أكلة فخيمة فعلًا تستاهل كل جنيه هتدفعه فيها، وتقدر تحجز من الرقم ده 01227223366.

مقترح