The Definitive Guide to Living in the Capital , Cairo , Egypt

رنا شرف

واحدة من الحاجات اللي لازم تجربها في القاهرة هي لحمة الرأس، وهي أكلة عظيمة بيتم فيها طهي الرأس كاملة مع اللسان والعيون أو “الجوهرة” باللغة الدارجة، والمخ كمان، والأكلة دي ليها عشاق كتير، لكن تروح فين لو نفسك تاكل أحلى لحمة رأس في القاهرة.

تعالوا نتعرف على أجمد 3 أماكن بتعمل لحمة رأس في العاصمة المصرية.

 

بحة.. العالمي

منطقة السيدة زينب منطقة تاريخية وفي نفس الوقت شعبية، وهي محببة لناس كتير لأنها حيوية وكمان لأن لها بعد ديني، وفي السيدة هتلاقي مطاعم مختلفة وكتير، منها بحة، المتخصص في الحلويات، يعني لحمة الرأس والكوارع وغيرها.

بحة مشهور ومسيطر لأن أسعاره مش غالية وكمان جودة أكله عالية، وبحة له جمهور كبير من الفنانين ولاعبي الكرة، والعرب والأجانب كما.

سعر كيلو لحمة الرأس عند بحة 260 جنيه. والمكان بيقدم كمان فتة لحمة رأس.

بحة موجود في شارع الناصرية أمام سوق الإثنين، السيدة زينب.

 

أهلًا بـ “حبايب السيدة”

إحنا لسه في منطقة السيدة زينب، وأكيد سمعت عن حبايب السيدة، المكان الجامد اللي كمان مايقلش عن بحة في الجودة، حبايب السيدة قريب من بحة، وغريب إن الإثنين في منطقة واحدة، والاثنين لهم نفس الشهرة والشعبية، وكل واحد له جمهوره، والإثنين زحمة.

كيلو لحمة الرأس عن “حبيايب السيدة” بـ220 جنيه.

 

مسمط العجيب.. نجم الدقي

من الأماكن المشهورة كمان في القاهرة، واللي بتعمل لحمة رأس مميزة وبسعر معقول، مسمط العجيب، الموجود في الدقي، واللي بيتميز بإن أسعاره معقولة، يعني كيلو لحمة الرأس عنده بـ200 جنيه.

مسمط العجيب موجود في  25 شارع التحرير الدقي.