The Definitive Guide to Living in the Capital , Cairo , Egypt

الأكل المصري دائمًا مختلف. هو الأكل اللي اتربينا عليه في بيوتنا، لكن مش كل المطاعم بتقدم أكل مصري بدرجة كبيرة من الاحترافية.. علشان كدة اخترنا لكم 5 من أعرق وأهم مطاعم الأكل المصري في العاصمة المصرية.. وطبعًا مش محتاجين نفكركم إن فيروس كورونا المستجد (كوفيد 19) لسة عايش معانا، علشان كده مهم نلتزم بكل الإجراءات الاحترازية.

تعالوا نبدأ:

 مطعم صبحي كابر

في السنوات الأخيرة، أصبح صبحي كابر، واحد من أهم المطاعم اللي بتقدم أكل مصري مميز في القاهرة، وأصبح المصريين، وحتى الأجانب، بيعشقوا أكله.

صبحي كابر بيقدم لكم في رمضان كل أنواع المشويات، لكن لازم تحجز قبل ما تروح، وهو مفتوح طوال شهر رمضان، وبتبدأ الأسعار هناك من 50 جنيه لبعض الطواجين.

العنوان: 151  شارع عبيد، الساحل، شبرا مصر.

البرنس

عند البرنس هتلاقوا أجمد أنواع الأكل المصري الشعبي بطعم مميز وجودة عالية، وبيتميز المحل طول رمضان بوجود كل أنواع اللحوم المشوية والطواجن، ده غير الملوخية والكبدة.

المطعم هيبدأ شغل من يوم الثلاثاء 8 رمضان، وسعر كيلو الكبدة هناك بيكون 320 جنيه.

العنوان: 79 طلعت حرب، مدينة العمال، إمبابة.

المنوفي

نقدر نعتبر المنوفي واحد من أشهر المطاعم الشهيرة المصرية المتخصصة في تقديم المشويات والطواجن، وبيتميز بوجود فروع كتير، وبتبدأ اﻷسعار هناك من 40 جنيه، وبتوصل لحد 420 جنيه لكيلو الكباب.

بنرشح لكم فرع التجمع الخامس، في شارع التسعين الشمالي، وكمان فرع الشيخ زايد، في الحي التاسع، شارع البستان.

الدهان

هنلاقوا عند الدهان أجمد أنواع المشويات، وفي رمضان السنة دي عندهم وجبات سعرها بيبدأ من 35 جنيه، بتتكون من ربع فرخة باﻷرز ومعاهم صنف خضار ومخلل، وكيلو الكباب سعره 255 جنيه.

العنوان: المهندسين: 38 شارع جامعة الدول العربية.

القاهرة الجديدة: القطعة 82، 83، شارع إخناتون، الحي الأول.

مدينتي: ساوث بارك، فوود كورت.

مصر الجديدة: 70 شارع الميرغنى بجوار عمارة أبو غالي.

أبو شقرة

أجمد مشويات في القاهرة أكيد هتلاقوها عند أبو شقرة، واللي بيقدم لكم في رمضان السنة دي وجبات مميزة بتكفي لحد 3 أفراد وسعرها 299 جنيه وبتتكون من 3 شوربة حمام، ½ بط رستو، ¼ كباب وكفتة، 2 أرز أبيض، طبق ممبار، طبق سمبوسك، طاجن ملوخية، طبق سلطة.

العنوان:  مصر الجديدة: 82 شارع الميرغني.

المهندسين : 17 شارع جامعة الدول العربية.

القصر العيني: 69 شارع القصر العيني.

الهرم: أمام أبو الهول مدخل الصوت والضوء.

المعادي: 74 شارع النصر.

كل سنة وأنتم بكل خير!