لو جعان ومش فاضي تستنى.. جرب الكلوب ساندوتش من الأماكن دي!
Bon Appetit Crave أفضل مطاعم القاهرة أكل على البحر أكلات سريعة خروجات الصيف سندوتشات فخمة كلوب ساندوتش لابوار مطاعم التجمع مطاعم المعادي
Cairo 360
رنا شرف
الصورة الرئيسية: Marios Gkortsilas
الصيف جه، ومعاه الشهية المفتوحة على الحاجات السريعة والخفيفة، خصوصًا لو كنت على البحر أو في فسحة مع أصحابك. والكلوب ساندوتش من أكتر السندوتشات اللي بتحبها الناس في الجو ده لأنه خفيف، متكامل، وطعمه حلو وبيشبع! علشان كده جبنالك 5 أماكن في القاهرة بتقدّم كلوب ساندوتش تحفة، سواء كنت بتحب التركي، الفراخ، أو حتى السيمون فيميه.
إيه هو الكلوب ساندوتش أصلًا؟
هو ساندوتش مكوّن من 3 طبقات من التوست المحمص، وبينهم حشوات غنية زي التركي، الفراخ، البيف، الخس، الطماطم، والمايونيز.
غالبًا بيتقطع نصين أو أربع تربع، ومثبت بعيدان خشب زي أعواد الكوكتيل. يعني فخم في الشكل.. وسهل في الأكل!
طيب تأكله فين في القاهرة؟
Bon Appetit – بون أبيتي
من الأماكن اللي بتهتم بالتنوع، تقدر تختار بين التوست البني أو الأبيض، والحشوات زي السيمون فيميه، التونة، الديك الرومي، أو الفراخ بالمشروم.
الأسعار مناسبة جدًا مقارنة بأماكن تانية.
اعرف عن المكان أكثر ومنتجاته المختلفة من هنا.
La Poire – لابوار
رغم إنه براند حلويات، لكن عنده ساندوتش بوكس مميز بـ16 قطعة، وسعره يبدأ من 375 جنيه.
الحشوات عندهم بتشمل روزبيف، تركي مدخن، جبنة شيدر، وفراخ باربيكيو.
اعرف عن المكان أكثر ومنتجاته المختلفة من هنا.
Crave – كريف
مطعم عالمي معروف بيقدم ساندوتشات ممتازة، الكلوب عنده بيبدأ من 331 جنيه، والطعم يستحق.
اعرف عن المكان أكثر ومنتجاته المختلفة من هنا.
IL Mulino – إل مولينو
موجود في المعادي، زايد، ومصر الجديدة، بيقدم ساندوتشات بأنواع متنوعة جنب الشوربة والبيتزا.
اعرف عن المكان أكثر ومنتجاته المختلفة من هنا.
Dots – دوتس
في التجمع، مطعم بيجمع بين الأكل المصري والعالمي، الساندوتشات عنده ممتازة، ومن ضمنها الكلوب ساندوتش.
اعرف عن المكان أكثر ومنتجاته المختلفة من هنا.
مقترح
الحياة في كايرو
قانون الإيجار القديم بيتغير؟.. كل اللي محتاج تعرفه عن التعديلات الجديدة وأثرها عليك!
أزمة الإيجار القديم إيجار الأشخاص الاعتبارية +8
معالم وسياحة
