The Definitive Guide to Living in the Capital , Cairo , Egypt

أيوه، الإشاعات اللي سمعتها صحيحة؛ واحد من أشهر المواقع المصرية وهو Otlob.com تم نقل ملكيته لإدارة جديدة بعد ما اكتملت إجراءات الاستحواذ عليه من موقع الأكل الإلكتروني الشهير هالو فوود Hellofood في الشرق الأوسط.

وطبعًا كما هو متوقع الأخبار عملت ضجة كبيرة في مجتمع الإنترنت الراقي في مصر، والصفقة دي أكيد خرج منها كل الأطراف وهم راضيين عنها، وقال وليد السعدني المدير الإداري لموقع "اطلب" عن عملية الاستحواذ "نجاح Otlob – اطلب المستمر جاء نتيجة للعلاقات المميزة مع المطاعم، ومن هنا قدر الموقع يستقبل الآلاف من طلبات الأكل يوميًا لمئات من المطاعم، "عملية الاستحواذ دي أكيد هـ تساعد موقع اطلب على التطور بشكل أسرع واستخدام طرق مبتكرة هـ تساعد على تقديم منتج مميز".

الاستفادة بالنسبة لعملاء اطلب هي الحصول على خدمة سهلة وسريعة وأكثر كفاءة، مع تغيير شامل في محتوى موقع وتطبيق اطلب، صحيح فيه ناس ماشيين بمبدأ "طالما مافيش مشاكل حصلت، ليه نغيّر؟ الفكرة  هنا أن مفهوم عالم الإنترنت مختلف شوية عن المبدأ ده، وهالو فوود بـ تقدّر المنظومة الهايلة اللي استحوذت عليها.

وقال خليل أبو سعدة المدير الإداري لهالو فوود/ اطلب: "من فترة وإحنا منبهرين بحجم وأداء موقع اطلب، والمؤكد أن عملية الاستحواذ هـ تدعم مكانة اطلب الرائدة وسط السوق المصري الكبير.

تعتبر الصفقة نقلة هائلة للموقع اللي كانت بدايتة سنة 1999 بهدف بسيط جدًا، وهو أن العميل يقدر يطلب أي أكل من أي مطعم في القاهرة، في سنة 2002 ظهر الموقع على رادار شركة A15 –وبعدها تحول لشركة تابعة لأوراسكوم تليكوم– وقدر يتطور لغاية ما وصل لشكله الحالي بعد مرور 13 سنة.

اطلب دلوقت متوفر في الإسكندرية وطنطا والغردقة وبورسعيد وأسيوط وطبعًا القاهرة، وبـ يوفر أكثر من 500 مطعم لكل أهل القاهرة من خلال الطلب أونلاين، وبعد ظهور هالو فوود في الصورة، أكيد اطلب هـ يشهد تطور هائل.

لمعلومات أكثر، تابع Otlob.com.