The Definitive Guide to Living in the Capital , Cairo , Egypt

أهم وجبة في اليوم هي وجبة الإفطار ولو أنت قادر تقعد تاكل وجبة كاملة الصبح قبل الشغل، هتفرق معاك كتير في التركيز والطاقة والروح، علشان كده احنا بنرشح لك 5 أماكن مميزين تقدر تفطر فيهم الصبح علشان يبقى صباحك حلو.

عيش وملح

مطعم مميز بيقدم وجبات إفطار بحرفية منها سلطة فواكه وبيتزا وبيض في الفرن وتوست وبان كيك وغيرهم، وهو موجود في 20 شارع عدلي أمام المعبد اليهودي وتقدر تتواصل معاهم على رقم 01098744014 أو تشوف المنيو من هنا

غوست المعادي

بيقدم فول وطعمية وأومليت من بلاد مختلفة وبان كيك وطعمية، يعني فيه كل اللي أنت محتاجه وهو موجود في شارع 9 وتقدر تتواصل معاهم على رقم 01212244773 أو تشوف المنيو من هنا

زوبة الزمالك

بيعتمد على جودة الأكل بتاعته، وعلى الرغم من أن سعره غالي إلا أنه الغالي تمنه فيه ووجبات الإفطار بتاعته ممتازة وعندهم فول وطعمية وبسطرمة وشكشوكة وحلويات وغيرها، وعنوانهم شارع 26 يوليو – الجبلاية، وتقدر تطلب دليفري من رقم 16082، ولو عاوز تشوف المنيو من هنا

طبالي مصر الجديدة

لمة وقعدة فرفشة وأكلات مصرية من الفول والطعمية والبطاطس واللحوم وميني مكس، وعنوانهم 18 شارع نزيه خليفة، وتقدر تكلمهم على 19061، وشوف المنيو بتاعهم من هنا

عيش وجبنة التجمع

إفطار شرقي وغربي فول وطعمية كب كيك وأومليت وتوست فرنسي وغيره، وموجودين في G OUT Mall بشارع الخمسين التجمع الخامس، وتقدر تكلمهم على رقم 01008000291 وعلشان تشوف المنيو من هنا