The Definitive Guide to Living in the Capital , Cairo , Egypt

طالما الشتاء دخل، يبقى لازم نتكلم عن شوربة العدس، اللي بتتقدم سخنة، وممكن تتخلط بعيش محمص وتبقى زي الفتة، أو تتشرب بالمعلقة، وهي وجبة نباتية مهمة، وممكن كمان تتعمل باللحمة، وكل واحد بيحبها بطريقته زي اللي بيحطوا جزر أو بطاطس وكرافس وبقدونس، وارتبط أكل شوربة العدس بالبصل اللي لازم يكون معاها، بخلاف التوابل المميزة، وعلشان كده النهاردة هنقولكم على 5 محلات في القاهرة بتقدم أحلى شوربة عدس.

القزاز

أشهر واحد بيعمل شوربة عدس، ولها طعم خاص جدًا، ولايمكن متحبهاش من عنده، وبيقدمها سخنة ومعمولة بالطريقة الإسناوية الصعيدية، وتقدر تطلب عيش كمان إضافي علشان تاكلها براحتك، وموجود عنده حجمين وسط وكبير سادة أو بالزبدة والسعر يبدأ من 10.25 جنيه، وله فرعين في وسط البلد.

العنوان: 38  شارع صبري أبو علم المتفرع من ميدان طلعت حرب

رقم التليفون: 16903

صفحة الفيسبوك من هنا

أبو شقرة

وهو غني عن التعريف بأجمل الأكلات المصرية، وبيقدم طبق شوربة العدس المميز والمختلف كليًا، وسعره 22 جنيه، وتقدروا تطلبوه سادة أو بالزبدة وأي طلب معاها تاني بيكون بسعر مختلف، وله 9 فروع بالقاهرة.

العنوان: 6 شارع القصر العيني

رقم التليفون: 19090

صفحة الفيسبوك من هنا

أبو عوف

مطعم وكافيه موجود في أرض الجولف، يعني تاكلوا وتحبسوا مع بعض، وشوربة العدس بيتقدم معاها عيش محمص وليمون ومعمولة بالزبدة، وتقدروا تجربوها في أي وقت من اليوم.

العنوان: 18 شارع الشهيد محمد عبد الهادي امتداد شارع نبيل الوقاد أرض الجولف مصر الجديدة

رقم التليفون: 0222909412

باب رزق

وزي ما شعارهم بيقول، أدخلوا برجليكم اليمين، واطلبوا شوربة العدس من عندهم بـ12 جنيه، واستمتعوا بالطعم والقعدة واتدفوا.

العنوان: ميدان الساعة –  أمام الجامعة العمالية – مدينة نصر

رقم التليفون: 01000438300

صفحة الفيسبوك من هنا

بيت التنور

ده بقى مطعم عنده كل حاجة، وأي حاجة، ومن ضمنها شوربة العدس اللي بـ15 جنيه، طبعًا هتدفوا وتاكلوا وتستمعوا بالخدمة الممتازة معاهم.

العنوان: 68 شارع عباس العقاد – مدينة نصر

رقم التليفون: 01033088844

صفحة الفيسبوك من هنا