Cairo 360
المعادي مليانة مطاعم كتير متنوعة من مطابخ مختلفة ما بين المطابخ الشرقية والعالمية والهندية والمصرية، وبيكون صعب لو أنت من بره المعادي أنك تعرف أفضل المطاعم اللي فيها علشان كده إحنا وفرنا عليك التدوير وجبنا لك أفضل 5 مطاعم في المعادي.
من أجمل الأماكن اللي بتقدم أكل لبناني في شارع 9، كمان الديكور بتاعه مبهج ومليان ألوان تحسسك بالانتعاش، ممكن تفطر أو تتغدى فيه، المنيو بتاعه متنوع، ومافيش حاجة بيعملها بتخرج أقل من ممتازة. نصيحتنا الخاصة ما تفوتش صفيحة اللبنة. العنوان والتليفون هنا.
لو بندور على أفضل مكان فيه حرفية وطعم يجنن هيكون في كريف اللي بيقدم أكلات عالمية من مطابخ مختلفة، بس برغم مرور سنين عليه إلا أنه صعب تروح وتكتشف غلطة عندهم لأنهم بيقدموا كل حاجة زي ما الكتاب بيقول. وغير منيو المشروبات اللي يجنن لازم تجربوا الكنافة شريمب دي ما تتفوتش. العنوان والتليفون هنا.
مكان صغير في دجلة المعادي هياخدك بسرعة على اليونان من غير تذاكر طيران ولا أي تكلفة زيادة، الديكورات مع ريحة القهوة اللي في المكان هيخطفك، لكن طعم الأكل وأنه دايمًا كل مرة بيكون طازة ومنعش دي حاجة ما تتقدرش. بنرشح لكم ساندوتش الكفتاكس ودي شبه كفتة الرز بس حكاية، كمان ساندوتش الشيش طاووك تحفة. والعنوان والتليفون هنا.
من ملوك المطاعم الهندية في القاهرة، ما ينفعش تروح وماتحسش بريحة توابل الهند وألوانها المبهجة، وطبعًا لازم تجرب التشيكن ماسلا مع عيش النان، والعنوان والتليفون هنا.
لو عاوز تدلع نفسك بجد يبقى لازم تروح كازلاك، اللي كل المنتجات اللي فيه عملها مصريين من سكاكين وأطباق وحتى صواني، بس المميز في كازلاك أنه بيطور الأطباق العادية بطريقته ويقدم لك اختراع مالوش زي بطريقة مبهرة. كازلاك من المطاعم اللي تروحها علشان تروح مبسوط. لازم تجرب الستيك أو طبق البط بالبرتقال خطير. العنوان والتليفون هنا.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
