Mohamed Talaat
أحيانًا في رمضان بتضطر تفطر برة، لظروف شغل أو تأخير في مواصلات أو غيره. بس المشكلة أوقات تكون في الميزانية لو محدودة. علشان كده جبنا لكم مطاعم سعرها معقول، تقدروا تفطروا فيها في رمضان:
رضوان – الدقي
رضوان مطعم شامل، فيه من الفول والطعمية لحد المشويات والفتة. تقدر تفطر فيه 1/2 فرخة بـ 49 جنيه، معاها بطاطس بوم فريت. أو بـ 55 جنيه، ومعاها أرز بسمتي وخضار وخبز. غير أن 1/4 الكباب والكفتة الضاني عندهم بـ 82 جنيه.
العنوان: 109 شارع التحرير، تحت كوبري الدقي.
تليفون: 0237613460 – 0233365153
بيبو – شبرا
لما بتحب الطواجن، لازم تروح لبيبو. طاجن اللحمة بالفريك 70 جنيه، ويكفي فردين. كمان عنده أصناف كتير من الطواجن بتبدأ من 55 جنيه، باللحمة وغيرها من المشويات. وسعر 1/4 المشكل عنده 65 جنيه. لازم تحجز بالتليفون قبل ما تروح في رمضان. أو تروح قبل الفطار بساعتين على الأقل.
العنوان: 91 شارع جسر البحر – شبرا
تليفون: 01030478875 – 01275424665 – 01551972055
فتحي بتاع الحمام – مدينة نصر
ولو انت في مدينة نصر أو المقطم، لازم تجرب مشويات فتحي ملك الحمام. الحمامة بـ 55 جنيه. أو تضرب طاجن ورق عنب بالكوارع بـ 60جنيه. أو طاجن مكرونة بالسجق والجبنة بـ 45 جنيه.
العنوان: 528 شارع أحمد الزمر، الحي العاشر ، بعد سوق السيارات – مدينة نصر
شارع 9، بجوار ألبان المالكي – المقطم
تليفون: 16945
البركة – الجيزة
لو انت في الهرم أو الجيزة، لازم تاكل مشويات كبابجي البركة. جودة عالية وسعر مميز. وهتلقى عنده رغيف حواوشي بـ 20 و25 جنيه، فردة الحمام المشوي بـ 45 جنيه، الفرخة المشوية على الفحم بـ 90 جنيه، ودي تكفي من فردين لـ 3 أفراد. وطلب المحشي المشكل بـ 25 جنيه.
العنوان: 315 شارع صلاح سالم، أمام مترو أم المصريين
تليفون: 0237746020 – 0235699199
ماجيستي – روكسي
فطاطري ماجيستي مشهور بالمكرونات والفطائر. عنده مكرونة فرن بـ 36 جنيه، والنجرسكو بـ 44 جنيه. بيتزا فراخ باربيكيو بـ 45 جنيه. والمميز عنده فطيرة بالسجق بـ 53 جنيه. وكمان الحلو عندهم يبدأ من 19 جنيه فطيرة بالسكر، و23 جنيه بالكاستر.
العنوان: 76 شارع الخليفة المأمون، مصر الجديدة – روكسي
تليفون: 19915
أونيون رينجز – المعادي
مطعم على كورنيش المعادي، وهتلقى عنده الوجبة (فراخ – خضار – أرز بسمتي – طحينة – سلطة) بـ 45 جنيه بس. وجبات كباب حلة بـ 50 جنيه، والفراخ البانيه مع المكرونة الاسباجتي بـ 45 جنيه. وجبة الميكس جريل مشوي بـ 120 جنيه.
العنوان: 33 أ كورنيش النيل، بجوار المتحف الجيولوجي – المعادي
تليفون: 01101181313
طابون – الزمالك
رغم وجودهم جوة فندق كبير، إلا إن وجباتهم مميزة في السعر والجودة. عندهم فتة فريك بكفتة بعلبكية مع صوص الطماطم بالزبادي بـ90 جنيه. وجبة شاورما مع أرز مندي وبطاطس مقلية وكبيس بـ 85 جنيه. كمان عندهم فتة شاورما لحم أو فراخ، بالمكسرات والخبز المحمص بـ 95 جنيه.
العنوان: 5 شارع أبو الفدا، فندق أم كلثوم – الزمالك
تليفون: 01012228815 – 01203382033
أبو خالد – وسط البلد
حاتي أبو خالد من المطاعم الشهيرة بشكل شعبي وسط الناس. يعتبر من أفضل مطاعم وسط البلد، وحاليًا له فرع في أكتوبر. تقدر تطلب من عنده وجبات رمضان بأسعار من 35 لـ 55 جنيه.
العنوان:
13 شارع شامبليون، وسط البلد – 0225758343
جلورى مول، 45 ب، المحور، 6 اكتوبر – 01024421000- 0238332968
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
