The Definitive Guide to Living in the Capital , Cairo , Egypt

رنا شرف

لو فاكر إن الفول والطعمية مجرد فطار بلدي، يبقى لازم تعيد التفكير! في السنين الأخيرة، براندات مصرية كتير قدرت تنقل الأكلة الشعبية الأشهر في مصر لمستوى جديد، بيجمع بين الطعم الأصيل، والتقديم العصري، والديكورات اللي تخلي تجربة الفطار نفسها ممتعة.

لو بتدور على أحلى فول وطعمية في القاهرة، فدي 5 أماكن تستحق التجربة، سواء هتفطر في الفرع أو تطلب لحد البيت.

زوبا
مطعم مشهور بين أكيلة الفول، ومش بس فول! عنده كمان كشري وملوخية وأكل مصري أصيل. بس شهرته الكبيرة جاية من الفول والطعمية المميزين. عنده بوكسات حلوة زي بوكس الطعمية: 30 قرص مع سلطة طحينة وبنجر، بسعر 258 جنيه.
ممكن تحسه غالي شوية، بس الطعم يفرق ويستاهل.

اطلب فطارك دلؤتي من عندهم من رقم: 16082

طبالي
براند فرض نفسه بقوة في عالم الفول والطعمية، بجودة عالية وأسعار معقولة. بيقدم سندوتشات فول بأكتر من طريقة: بزيت الزيتون، طحينة، معصفر وغيره. والمكان ديكوراته مميزة جدًا، ومناسبة للتصوير كمان!

اطلب فطارك دلؤتي من عندهم من رقم: 19061

الراعي
مطعم بيقدم الفول والطعمية بشكل شيك وأنيق. مش بس سندوتشات وأطباق، كمان عندهم طعمية مجمدة تجهزوها في البيت.
وبيقدموا سندوتشات تانية زي التركي والروزبيف.

اطلب فطارك دلؤتي من عندهم من رقم: 17292

تغاميس
براند بقاله فترة بيقدم فول وطعمية وجبنة بطماطم وبطاطس وبيض. عندهم وجبات متنوعة، من سندوتشات بسيطة لوجبات توفير. مثلا وجبة كاملة بـ187 جنيه بتاخد فيها سندوتش فول وطعمية وجبنة وبطاطس وبيض.

اطلب فطارك دلؤتي من عندهم من رقم: 15573

فول تانك
مكان بيقدم كل سندوتشات الفطار اللي بتحبها، وفول وطعمية بوكسات كمان. زي “بوكس تفويلة” اللي بيبدأ سعره من 117 جنيه، فيه فول وطعمية وجبنة وبيض.. فطار محترم وسعره معقول جدًا!

اطلب فطارك دلؤتي من عندهم من رقم: 16198

وأخيرًا..

مهما اختلفت البراندات أو اتغيرت طريقة التقديم، الفول والطعمية هيفضلوا أجدع أكلة مصرية بتجمعنا على حب الأكل البلدي الأصيل. سواء في جمعة حلوة مع أصحابك أو فطار هادي لوحدك، أكيد هيكون له طعم تاني مع شوية شياكة ونفس مصري أصيل.
جربوا الأماكن دي، وقولولنا إيه أكتر مكان منهم خطف قلبكم قبل معدتكم!