The Definitive Guide to Living in the Capital , Cairo , Egypt

الصورة الرئيسية: فسحة سمية

في زحمة القاهرة وصخبها، وسط المطاعم الكبيرة والبراندات المنتشرة، لسه فيه أماكن صغيرة بتقدّم حاجة مختلفة جدًا: أكل بيتي بطعم وريحة المطبخ المصري الأصيل.

الأماكن دي مش مجرد مطاعم، دي بيوت مفتوحة فيها محبة ودفا، وكل طبق بيحكي حكاية من قلب المطبخ المصري.

في كايرو 360 جمعنالك أفضل مطاعم الأكل البيتي في القاهرة لعام 2025، علشان تعيش تجربة فيها الحنين والطعم اللي بيرجعك لأيام البيت والمطبخ الدافي.

فطومة: من وسط البلد للرحاب

من الأماكن اللي كان لها شهرة واسعة في وسط البلد مع بداياتهم قبل ما ينقلوا للرحاب وبيقدموا أكلات مميزة يوميًا وكل يوم مختلف عن التاني يوم فيه أرانب ويوم تاني بط ويوم بعده فراخ كذاب مع خضار بنكهة مصرية مميزة ودايمًا عندهم جديد علشان يلبوا كل احتياجات العملاء.

العنوان: الرحاب السوق الشرقي الجديد مطعم رقم 37G.

رقم التليفون: 01149133837

تقدروا تعرفوا أكتر عنهم من خلال صفحة الفيسبوك من هنا.

سمية: حكايات في وسط البلد

فسحة سمية كانت من أوائل مطاعم الأكل البيتي واللي بتقدم منيو جديد كل يوم وبيختلف عن اليوم اللي قبله، والمكان بدء بمكان صغير وحاليًا بقى مساحة أكل متميزة موجودة في قلب وسط البلد وبتقدم اشي محمر ومشمر وكل طعم هتحسوا بحب ودفئ الأكل بتاعه ومعروف عن سمية ابداعهم في الأكل وتفاصيله والاهتمام بالجودة.

العنوان: 59 تقاطع شارع الفلكي مع هدى شعراوي – وسط البلد.

رقم التليفون: 01001741767

تقدروا تعرفوا أكتر عنهم من خلال صفحة الفيسبوك من هنا.

بيتي: الأكل الدافئ

وجبات متميزة ومختلفة وعندهم اختيارات كتير ومع المنيو الثابت بيكون عندهم جديد يوميًا بيقدموا بيه أطباق متميزة ومختلفة هتقدروا تختاروا اللي بتحبوه وتاكلوا بكل شوق أكلات بطعم مصري أصيل.

العنوان: 3 شارع نور الدين معز الدولة – مكرم عبيد – مدينة نصر.

رقم التليفون: 011002240000

تقدروا تعرفوا أكتر عنهم من خلال صفحة الفيسبوك من هنا.

بيتك: طعم بيوت المعادي

مطعم بيتك من المطاعم اللي مش واخدة حقها في المعادي وبيقدموا وجبات بشكل يومي من مشويات وصواني وطواجن وغيرها من الوجبات المخصوص اللي بتتقدم لكل فرد بحب، وهما بيشتغلوا تيك أواي ودليفري فقط.

العنوان: 105 شارع 105 بجوار ميدان المطبعة.

رقم التليفون: 01156710732

تقدروا تعرفوا أكتر عنهم من خلال صفحة الفيسبوك من هنا.

طبخة space: رحلة الأكل الصحي

الفرايتي عندهم مختلف وقدروا في مدة قصيرة أنهم يقدموا تجربة مميزة ويكونوا مقصد مهم لمحبين الأكل البيتي من المصريين والأجانب، ورغم أن المكان صغير ولكنه كبير في تفاصيله وطرق تقديمه للوجبات وبيعتمدوا بشكل كبير على أن يكون الأكل مميز وبمكونات صحية وكل يوم المنيو مختلف عن اللي قبله.

العنوان: 30 شارع اسماعيل سري – متفرع من شارع قصر العيني – المنيرة.

رقم التليفون: 01026191467

تقدروا تعرفوا أكتر عنهم من خلال انستجرام من هنا.

وأخيرًا..

الأكل مش مجرد وجبة وخلاص، الأكل لازم يكون تجربة مميزة تتحس بكل الحواس، ولو بتدور على طعم البيت وريحة الحنين يبقى عليكم اختيار مكان من المطاعم السابقة علشان تزوروها أو تطلبوا منها في يوم ما.