The Definitive Guide to Living in the Capital , Cairo , Egypt

زي ما المطبخ العربي له تاريخ عريق، المطبخ التركي كمان له تاريخ كبير وعلشان كده دائمًا بيقال على الأكل التركي أنه “Iştah” واللي معناها “شهي”، وخلال السطور الجاية هنقول لكم على أهم 3 مطاعم بتقدم أكل تركي مميز في القاهرة.

Bosporus

من المطاعم الموجودة في أماكن كتير “كايرو فيستفال سيتي – ألماظة – مول مصر – سيتي ستارز”، وبيقدموا أكلات مميزة زي كاغيت كبابي وكوزو إنجيك ودجاج شاشليك وغيرهم من الأطعمة التركية المميزة، وعندهم خدمة وديكورات تركية.

تقدروا تعرفوا أكتر عنهم من خلال صفحة الفيسبوك من هنا.

 

Osmanly

هتكتشفوا من خلال مطعم عثمانلي نكهات تركية في الأكل محتلفة عن أي مكان، ويكفي أننا نقولكم أن الخدمة عندهم ملوكي زي أيام السلاطين بداية من غسيل اليد بماء الياسمين. وماتنسوش تجربوا من عندهم التندوري بالصلصة وإسكندر كباب، وهما موجودين في فندق كمبينسكي جاردن سيتي.

تقدروا تعرفوا أكتر عنهم من خلال صفحة الفيسبوك من هنا.

 

Meat Moot

لما فتح في القاهرة أول فرع نقل الثقافة التركية بشكل مميز للعاصمة المصرية، وبعد نجاح المطعم في تركيا وبعض الدول وخاصة العربية، وصلوا مصر ونجحوا في يثبتوا نفسهم بفرع الشيخ زايد، وأشهر حاجة عندهم تسوية اللحمة واللي بتتم من خلال الدفن 16 ساعة، مع العلم أنه فرع مصر ملك للفنان أحمد فهمي.

تقدروا تعرفوا أكتر عنهم من خلال صفحة الفيسبوك من هنا.