The Definitive Guide to Living in the Capital , Cairo , Egypt

معالم وسياحة

أحدثها توابيت الأقصر.. اتعرفوا على أهم معروضات المتحف المصري الكبير

آثار الأقصر البر الغربي العساسيف المتحف المصري الكبير توابيت توت عنخ آمون وزارة الآثار
أحدثها توابيت الأقصر.. اتعرفوا على أهم معروضات المتحف المصري الكبير
بواسطة
Omar Abd-elmaqsoud

بعد الاكتشاف الأثري اللي اكتشفته البعثة المصرية في منطقة العساسيف في البر الغربي في مدينة الأقصر، واللي كان عبارة عن 30 تابوت فرعوني مصنوعين من الخشب المزخرف، واللي يعتبر آخر الاكتشافات الأثرية وأكبرها على مدى الـ 100 سنة اللي فاتت، بقى اهتمام الميديا في العالم كله دلوقتي هو مصر وبصمتها في الحضارة والتاريخ الإنساني.

وفي وسط الاهتمام العالمي ده، أعلنت وزارة الآثار في مؤتمر صحفي السبت اللي فات إنه من قبيل الاهتمام والتكريم للكشف الأثري العملاق ده، ومن باب إنه يكون متاح لأكبر عدد من الزوار والسياح، قررت الوزارة نقل التوابيت الـ30 للمتحف المصري الكبير اللي من المتوقع افتتاحه في 2020 وبكده هتبقى توابيت العساسيف آخر الآثار اللي هيستقبلها المتحف المصري، وبتنضم لباقي التحف الأثرية في المتحف اللي هيكون على مساحة 117 فدانًا وارتفاع أكثر من 30 مترًا.

قاعات المعروضات في المتحف هتضم مجموعة من الآثار اللي تم اختيارها بعناية شديدة علشان تمثل الفترات الزمنية المختلفة اللي مرت على مصر، ده غير قاعتين رئيسيتين لمجموعة آثار خاصة بالملك “توت عنخ آمون” تعتبر من أهم المجموعات الموجودة في المتحف ويوصل عددها لـ 5 آلاف قطعة معظمها بيتعرض لأول مرة.

مقترح